Öll heimsbyggðin virðist heilluð af Justin Trudeau forsætisráðherra Kanada. Vinsældir hans minnkuðu ekki eftir að hann hitti Donald Trump á dögunum og lét þar mjög skýrt í ljós hversu ósammála hann væri stefnu Trump í innflytjendamálum og öðrum málaflokkum. Eftir blaðamannafundinn þeirra birti ELLE skemmtilega samlíkingu, þar sem uppáhalds Kanadamanninum okkar er líkt við Hugh Grant í hlutverki sínu sem forsætisráðherra Bretlands í kvikmyndinni Love Actually.
Í því dæmi er Trump hinn óviðkunnanlegi Billy Bob Thornton sem forseti Bandaríkjanna í myndinni. Birtar voru myndir þessu til sönnunar og eru líkindin gríðarlega mikil.
