Billy Flynn er fráskilinn og deildi pistli á Facebook um samband sitt við fyrrverandi eiginkonu sína og hvernig hann væri fyrirmynd fyrir syni þeirra. Sagan hefur vakið mikla athygli á samfélagsmiðlum. Fyrrverandi eiginkona hans átti afmæli um daginn, þannig hann vaknaði snemma og keypti blóm, kort og gjöf sem hann fór með til strákanna sinna til að gefa henni. Þar hjálpaði hann þeim að búa til morgunmat handa henni.
„Eins og venjulega spurði mig einhver af hverju í fjandanum ég geri ennþá svona hluti fyrir hana. Það pirrar mig,“ segir hann og útskýrir af hverju hann gerir þessa hluti.
Ég er að ala upp tvo litla menn. Fordæmið sem ég set fyrir þá hvernig ég kem fram við móður þeirra mun hafa marktæk áhrif á hvernig þeir sjá og koma fram við konur og skilning þeirra á samböndum. Mér finnst það jafnvel enn mikilvægara í mínu tilfelli þar sem við erum skilin. Þannig ef þú ert ekki að sýna börnunum þínum góða sambandshegðun, taktu þig saman í andlitinu. Vertu fyrirmynd. Þetta er stærra en þú.
Reyndu að ala upp góða menn. Reyndu að ala upp sterkar konar. Gerðu það. Heimurinn þarf þau, meira en nokkurn tíman áður.
