George Clooney og eiginkona hans Amal eiga von á tvíburum. Matt Damon besti vinur leikarans staðfesti þetta í gær og sagði að þau ættu eftir að verða frábærir foreldrar. Fyrirsætan Rosie Huntington-Whiteley tilkynnti líka í gær að hún ætti von á barni með unnusta sínum, leikaranum Jason Statham. Rosie tilkynnnti þetta með fallegri mynd á Instagram í gær. Madonna tilkynnti svo formlega ættleiðingu sína á tvíburasystrunum Esther og Stellu en eins og við sögðum frá á Bleikt á dögunum sótti hún um að fá að ættleiða þær frá Malaví.
Allar þessar fréttir koma í kjölfar tilkynningar Beyoncé um að hún ætti von á tvíburum með Jay Z en Instagram myndin af henni með óléttukúluna er sú vinsælasta í sögu Instagram.
