Sia hefur falið andlit sitt á þennan hátt síðan fimmta plata hennar kom út árið 2010, á sama tíma og athygli á hana jókst og aðdáendum hennar fjölgaði.
En af hverju felur hún andlit sitt og hvernig lítur hún út án hárkollunnar?
Alls konar skýringar hafa komið fram: að hún sé feimin, að henni líki ekki við augabrúnir sínar, henni sé kalt í framan, að hún hafi keypt of stóra hárkollu og fleira. En í þætti hjá Ellen DeGeneres þrýsti Ellen á Siu um skýringar.
Sia svaraði að hárkollan veitti henni ákveðna friðhelgi. „Ég get farið í Target og keypt slöngu ef mig langar til. Eða ef mér verður mál og ekkert klósett nálægt, þá get ég bara pissað við veginn og það er enginn ljósmyndari að elta mig til að reyna að ná mynd.“
Þessi skýring er alveg góð og gild. Og þegar Sia var í Carpool Karaoke þætti james Corden þá sagði hún sömu sögu. „Ég var söngkona í 10-11 ár við litlar vinsældir, ég glímdi við áfengis- og vímuefnafíkn, síðan varð ég edrú og ég ákvað að ég vildi ekki vera listamaður lengur af því ég var að verða þekktari og þetta var óstöðugt ástand.“
„Þannig að ég hugsaði um hvað væri ekki til í popptónlist á þeim tíma og komst að því að það vantaði leynd. Það eru myndir af öllum á Instagram hvar sem er, hvenær sem er!“
Hugmyndin að kollunni varð til.
En hvernig lítur hún út án kollunnar?
Í febrúar 2016 sýndi hún andlit sitt í partýi í Los Angeles og stillti sér upp með fjölda frægra eins og Beck, Katy Perry og Missy Elliott. Hún mætti þó í partýið með andlit sitt hulið.
