Axel O og co skipa: Axel Ómarsson, Magnús Kjartansson, Sigurgeir Sigmundsson, Jóhann Ásmundsson og Sigfús Óttarsson.
Texas Sounds International Country Music Awards er tónlistarhátíð sem er haldin í Jefferson með tónlistarfólki héðan og þaðan úr heiminum.
Kántríhljómsveitir frá 13 löndum: Ísland, Svíþjóð, Króatía, Mexíkó, Suður-Afríka, Swaziland, Slóvakia, USA, Írland, Bahamas, Ítalía, Nýja Sjáland og Spánn, voru tilnefndar til verðlauna og komu fram á hátíðinni. Hátíðin fór fram á þremur kvöldum þar sem allar hljómsveitirnar komu fram.
„ÍSLAND GERIR ÞAÐ GOTT Í TEXAS:
Við í Axel O & Co vorum að klára túrinn okkar til Jefferson í Texas þar sem komum fram á Texas Sounds Country Music Awards 2017. Það er sérstaklega gaman að segja frá því að við unnum til verðlauna !!
Country hljómsveitir frá 13 löndum (Ísland, Svíþjóð, Króatía, Mexico, Suður Afríka, Swaziland, Slóvakia, USA, Írland, Bahamas, Ítalía, Nýja Sjáland, Spánn), voru tilnefndar til verðlauna og komu fram á hátíðinni. Hátíðin fór fram á þremur kvöldum þar sem allar hljómsveitirnar komu fram.
Frá Íslandi voru tvær hljómsveitir, Axel O & Co og Rúnar Eff ásamt hljómsveit.
Veitt voru verðlaun í ýmsum flokkum, annars vegar val dómnefndar, og svo sérstök kosning þar sem áhorfendur völdu bestu hljómsveit hátíðarinnar.
Það er einstaklega gaman að segja frá því að báðar íslensku hljómsveitirnar unnu til verðlauna ! Axel O & Co voru valin besta hljómsveitin af áhorfendum, og hlutu PEOPLE´S CHOICE Award, og Rúnar Eff og félagar unnu BAND OF THE YEAR og MALE VOCALIST að mati dómnefndar. Innilega til lukku með það Rúnar Eff og félagar !!
Þetta sýnir okkur að íslensk Country tónlist á fullt erindi við unnendur Country tónlistar um heim allan, þar með talið í USA vöggu Country tónlistarinnar !,“ skrifar Axel á Facebooksíðu sína.
Bleikt.is óskar þeim félögum innilega til hamingju.
Myndirnar eru úr ferðalaginu um Bandaríkin, notaðar með góðfúslegu leyfi frá Axel Ómarssyni.
