Cynthia Bennett og kærasti hennar tóku hundinn Henry að sér árið 2014, hann var ekki hundurinn sem þau ætluðu að taka með sér heim, en þegar þau hittu hann var ekki aftur snúið. „Hann klifraði bara upp í kjöltu mér, með magann upp og lagði höfuðið á handlegginn á mér. Og þá vissi ég að hann yrði að fara heim með okkur.“
Henry fór að fara með parinu í helgarferðir út í náttúrunni. Fyrir nokkrum mánuðum ákváðu þau að stækka fjölskylduna og tóku að sér köttinn Baloo.
Henry og Baloo urðu strax bestu vinir og Baloo fór fljótlega líka að fara með í ævintýraferðir fjölskyldunnar. „Við getum ekki skilið hann eftir einan heima lengur. Ég held að hann haldi að hann sé hundur frekar en eitthvað annað. Ég kalla þá bræður, en ég held að Baloo haldi að Henry sé mamma hans.“
Fylgjast má með ævintýrum þeirra vina á Instagram.
