Matt Grodsky var þriggja ára þegar hann lýsti því yfir að hann ætlaði að giftast bekkjarsystur sinni, Laura Scheel. 20 árum seinna stóð hann við þá yfirlýsingu.

„Ég man ekki hvenær ég sá hana fyrst, en hún leyfði mér alltaf að elta sig um allt,“ segir Grodsky.

„Ég var alltaf að reyna að ganga í augun á henni með því að fara með línur úr Lion King og svoleiðis.“

Þau voru í sama leikskóla í Phoenix í Arizona, en gengu síðan í sitt hvorn barnaskólann.

Að lokum misstu þau sambandið við hvort annað. Þau hittust ekki aftur furr en þau voru nýnemar í menntaskóla, þá sá Scheel nafn Grodsky í síma vinar síns.

Tveimur vikum seinna voru þau orðin par. Þau voru saman í menntaskóla og hásskóla, þrátt fyrir að 1600 mílur væru á milli háskólana sem þau gengu í. 23. maí 2015 þegar þau voru að byrja lokaárið í háskóla fór
Grodsky með Scheel þangað sem þau hittust fyrst og spurði hana stóru spurningarinnar. Hún svaraði játandi og 30. desember 2016, gengu þau í hjónaband.

Frændi Grodsky gaf þau saman og lýsti ást þeirra best með orðunum: „Flest börn í leikskóla eru að leita að nesti eða svefnplássi, þau fundu sálufélagann þar.“