fbpx
Fimmtudagur 13.febrúar 2025

„Vinkona mín sagði að ég passaði ekki í hópinn og hana langaði að eignast nýja vini“

Ritstjórn Bleikt
Miðvikudaginn 15. nóvember 2017 14:00

Ekki missa af Helstu tíðindum dagsins í pósthólfið þitt

Lesa nánar

Þegar ég var í 9. bekk kallaði aðstoðarskólastjórinn mig á fund, erindið var að biðja mig um að vera vinkona einnar stelpunnar í skólanum sem var jafn gömul mér sem hafði lent í einelti, við skulum kalla hana Söru.

Þessu tók ég mjög vel og urðum við strax miklar vinkonur og vorum saman öllum stundum. Á þessum tíma átti ég þrjár mjög góðar vinkonur sem voru með mér í bekk og voru búnar að vera vinkonur mínar síðan í 4. og 5. bekk. Það gekk illa að vera allar saman og það fór þannig að ég fjarlægðist gömlu vinkonurnar og var því mest megnis með Söru.
Ég og Sara fórum svo í sama menntaskóla eftir 10.bekk, en hinar þrjár vinkonur mínar fóru saman í annan skóla og urðum við enn minna saman eftir það.

Fyrstu vikuna í menntaskólanum var auglýst busaball, mig langaði að fara á ballið og talaði ég við Söru um hvort við ættum ekki að fara saman á ballið, það svar sem ég fékk frá henni hefur litað líf mitt síðan.

Sara sagði að ég passaði ekki í hópinn og núna langaði hana að verða vinsæl og eignast nýja vini. Þar með lauk því samtali og við töluðum ekki meira saman í langan tíma á eftir og Sara eignaðist nýja vini en eftir sat ég vinalaus.

Menntaskólaárin voru mér afar erfið. Ég fékk upp frá þessu mikinn kvíða og félagsfælni sem ég glími við enn þann dag í dag. Ég eignaðist enga almennilega vini á mínum menntaskólaárum og þegar ég fór í háskóla gekk mér enn illa félagslega. Á endanum kláraði ég ekki mína gráðu í háskólanum því vanlíðan var það mikil og kvíðinn, ég skammaðist mín fyrir að vera svona mikið ein og kveið því að þurfa að finna félaga í hópverkefnum.

Sara hafði samband við mig síðar, meðan við vorum enn í menntaskóla, vegna þess að þá áttum við báðar hund. Sambandið varð aldrei eins enda gat ég ekki treyst henni eftir þessa ömurlegu lífsreynslu.

Í dag erum við kunningjar og hittumst stundum, en þessi reynsla er því miður alltaf ofarlega i huga þegar ég hugsa um hana og hitti hana.
Nokkrum árum eftir að Sara hafði samband aftur við mig ræddi ég þetta við hana, en hún gerði lítið úr þessu sem gerði mína vanlíðan enn verri.

Ástæða þessara skrifa er sú að mig langar að sýna fram á hvað nokkur orð og gjörðir geta haft mikil áhrif.
Ég hef farið til sálfræðings og á lyf vegna þessa en það hefur ekki dugað.

Kveðja ein kvíðin.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 klukkutímum

Björgólfur Thor minnist föður síns: „Innst inni er ég ennþá sami litli strákurinn sem lítur upp til pabba síns með aðdáun og stolti“

Björgólfur Thor minnist föður síns: „Innst inni er ég ennþá sami litli strákurinn sem lítur upp til pabba síns með aðdáun og stolti“
433Sport
Fyrir 3 klukkutímum

Arnar uppljóstraði um atvik síðasta sumar þegar Gylfi Þór varð mjög reiður út í samherja sína – Gerðu þetta tveimur dögum fyrir leik

Arnar uppljóstraði um atvik síðasta sumar þegar Gylfi Þór varð mjög reiður út í samherja sína – Gerðu þetta tveimur dögum fyrir leik
Pressan
Fyrir 4 klukkutímum

Sífellt verra ástand í umferðinni og hækkandi fasteignaverð – „Ef ekkert verður að gert, getur það haft alvarlegar afleiðingar“

Sífellt verra ástand í umferðinni og hækkandi fasteignaverð – „Ef ekkert verður að gert, getur það haft alvarlegar afleiðingar“
433Sport
Fyrir 4 klukkutímum

Mikið álag á dómurum á Íslandi um helgina

Mikið álag á dómurum á Íslandi um helgina
433Sport
Fyrir 13 klukkutímum

Sjáðu hrottaleg slagsmál eftir leik Liverpool og Everton – Þrír fengu rautt spjald

Sjáðu hrottaleg slagsmál eftir leik Liverpool og Everton – Þrír fengu rautt spjald
433Sport
Fyrir 13 klukkutímum

Tveir umdeildir dómar – Everton vildi bæði rautt spjald og víti gegn Liverpool

Tveir umdeildir dómar – Everton vildi bæði rautt spjald og víti gegn Liverpool
Fréttir
Fyrir 14 klukkutímum

Fimm með réttarstöðu sakbornings vegna banaslyss í Grindavík

Fimm með réttarstöðu sakbornings vegna banaslyss í Grindavík
433Sport
Fyrir 15 klukkutímum

Segja að reksturinn hafi verið í rúst á Sauðárkróki en Kaupfélagið hafi bjargað málunum – Mikael vissi af aðila sem átti í vandræðum með að fá borgað

Segja að reksturinn hafi verið í rúst á Sauðárkróki en Kaupfélagið hafi bjargað málunum – Mikael vissi af aðila sem átti í vandræðum með að fá borgað

Tarot Spil

Veldu þér spil og sjáðu spádóm þinn.