Jólin eru eins og við vitum öll í desember, en það eru hins vegar sumir sem myndu helst vilja hafa þau uppi allt árið, ein af þeim er Halla Þórðardóttir sem býr í Grindavík.

Og nú hafa Hönter myndir gefið út nýtt lag og myndband sem lýsir þessari skreytingagleði Höllu (og margra fleiri).

„Við fengum parið Höllu Þórðardóttur og Sigurjón Veigar Þórðarson (Sjonni) til að leika í myndbandinu,“ segir Teresa Birna Björnsdóttir, en hún og Hanna Sigurðardóttir eiga Hönter myndir og taka þær að sér að semja texta, skesta og myndbönd fyrir afmæli, brúðkaup, árshátíðir eða aðra viðburði.

„Það komu eiginlega engir aðrir til greina, en þetta er sannsögulegt um þau. Halla myndi helst vilja hafa jólin allt árið, en Sjonna finnst nóg að hafa þau bara í desember. Halla er þegar byrjuð að skreyta,“ segir Tereasa.

Hanna Sigurðardóttir gerði íslenskan texta við lagið I Want it That Way með Backstreet Boys frá árinu 1999 og Sjonni og Anna Sigga Sigurðardóttir syngja.