Davis, sem er 31 árs gamall bloggari búsett í Durham í Bretlandi, ákvað að festa atvikið á mynd og póstaði henni á Instagramsíðu sína. Myndin fékk fljótlega 14 þúsund „like.“
Davis póstaði því annarri mynd af þeim mæðgum, þar sem þær notuðu vatnsmelónur til að líkja eftir brosi og „Allt þegar þrennt er“ myndaserían byrjaði formlega á blogsíðu hennar „All That is She.“
Davis er með 393 þúsund fylgjendur á Instagram sem bíða spenntir vikulega eftir nýjum myndum af þeim mæðgum klæddum í samskonar föt að gera allt frá því að borða morgunkornið í að stæla Mary Poppins.
https://www.instagram.com/p/BUXPTGVAcRf/
„Viðtökurnar alls staðar að úr heiminum voru svo jákvæðar að við ákváðum að halda áfram að taka myndir og höfum gert núna í meira en ár,“ sagði Davis í viðtali við People. „Þegar við fáum nýjar hugmyndir þá reynum við að tengja myndirnar við atburði sem eru að gerast í okkar lífi í hverri viku, eða að sýna hvað við höfum verið að gera eða erum að fara að gera.“
https://www.instagram.com/p/BYlm4zXA95q/
Fólk tengir við myndaseríuna segir hún, „af því að hún er skemmtileg, létt og fær fólk til að brosa og hún sýnir samband móður við dætur sínar. Og fólk hefur líka einstaklega gaman af að sjá stríðnissvip Penný.“
„Hún er samt ekki orðin nógu gömul til að nota samfélagsmiðla og skilur því ekki alveg hvað það er sem ég er að gera. Amelia er bara til í að vera með og lítur á þetta sem hluta af okkar fjölskyldumynstri.“
Margir telja að Davis kaupi ný föt fyrir hverja myndatöku, en svo er ekki. Hún er mjög úrræðagóð þegar kemur að því að fela lógó á fötum eða klæðast þeim öfugt til að láta fötin líta út fyrir að vera nú. „Við endurnýtum mjög margt. Mary Poppins var uppáhalds myndatakan okkar, en það sem við elskuðum mest við hana var að við gátum klætt okkur upp og Penný fékk að vera stjarnan.“
Hver myndataka tekur yfirleitt um fimm til tíu mínútur á laugardags- eða sunnudagsmorgni. Davis hefur í hyggju að gera meira við Instagramaðgang sinn og skrifa barnabók sem myndi taka á málum eins og feminisma og kynhneigð.
En það sem skiptir mestu máli: „Ég vona að dætur mínar muni muna þessar skemmtilegu stundir okkar og muni alltaf hafa gaman af að horfa til baka á vikulega skráningu mína á uppvexti þeirra.“
https://www.instagram.com/p/BYBjUbNASek/
