Það er margt sem stendur upp úr eftir Golden Globe verðlaunahátíðina og erfitt að gera upp á milli atvika. Í dag greindum við frá öllum sigurvegurunum en hér ætlum við að fara yfir nokkur ómissandi augnablik frá hátíðarhöldunum.
Kynnir kvöldsins var enginn annar en spjallþáttastjórnandinn og grínistinn Jimmy Fallon sem hóf kvöldið á stórkostlegu opnunaratriði sem enginn ætti að missa af.
https://www.youtube.com/watch?v=XaldSt0lc8o
Leikkonan Meryl Streep hlaut sérstök heiðursverðlaun fyrir framlag sitt til kvikmynda. Í ræðu sinni ræddi hún meðal annars um Donald Trump sem hún segir sýna afskaplega slæmt fordæmi. Hún minntist meðal annars á atvik þar sem Trump hermdi eftir og gerði grín að fötluðum blaðamanni. „Vanvirðing hvetur til frekari vanvirðingu, ofbeldi leiðir af sér meira ofbeldi,“ sagði Streep. „Þegar hinir valdamiklu notfæra sér stöðu sína til að níðast á öðrum töpum við öll.“
Þættirnir Stranger Things voru tilnefndir til verðlauna en þótt þeir hafi ekki fengið gullhnöttinn þetta árið unnu þeir ákveðin sigur. Krakkarnir sem fóru á kostum í þessum spennuþáttum mættu nefnilega í sínu allra fínasta pússi og voru án efa best klæddu leikarar kvöldins.
Ryan Gosling hlaut verðlaun fyrir leik sinn í kvikmyndinni La La Land. Þakkarræðuna tileinkaði hann eiginkonu sinni, Evu Mendes, því á meðan hann var að vinna að myndinni þurfti hún að leggja enn harðar af sér fyrir fjölskylduna.
https://www.youtube.com/watch?v=V9KaXEjs5ss
Þegar Emma Stone var spurð út í kjólinn sem hún klæddist þetta kvöld var hún með fullkomið svar á reiðum höndum. „Sko, hann er bleikur og það eru stjörnur á honum,“ sagði leikkonan sem vildi augljóslega ekki eyða fleiri orðum þá umræðu.
Mægðurnar Carrie Fisher og Debbie Reynolds létust báðar með innan við tveggja daga millibili. Fallegt myndband var birt til minningar um þær á Golden Globe hátíðinni.
The #GoldenGlobes honor Carrie Fisher and Debbie Reynolds pic.twitter.com/0m2S2eVYsU
— Mash Entertainment (@mashentertain) January 9, 2017
Þegar Emma Stone fór á svið til þess að taka við verðlaunum fyrir leik sinn í La La Land var mikið klappað. Athygli vakti að Andrew Garfield stóð upp úr sæti sínu til þess að fanga sigri leikkonunnar. Garfield og Stone voru par í fjögur ár en slitu sambandinu haustið 2015.
Andrew Garfield gave Emma Stone a standing ovation so i’m holding on to some hope pic.twitter.com/wo014wAUu2
— lauren yap (@itslaurenyap) January 9, 2017
Damien Chazelle fékk verðlaun fyrir handritið að La La Land. Þegar tilkynnt var um sigur hans fékk hann handabönd og faðmlög úr öllum áttum. Emma Stone virtist villast dálítið í allri þessari kös og úr varð þetta vandræðalega augnablik.
Emma Stone’s awkward reaction to her double hug w/ Damien Chazelle was hilarious/reminded me of this: https://t.co/WK2P2hl2tZ #GoldenGlobes pic.twitter.com/Mww9hEPoaf
— Jarett Wieselman (@JarettSays) January 9, 2017
Kossinn sem stal senunni
Á meðan Ryan Gosling fór upp á svið að taka við verðlaunum deildu þeir Ryan Reynolds og Andrew Garfield sjóðheitum kossi. Ástæðuna vitum við ekki, kannski var eitthvað veðmál í gangi, kannski eru þeir bara perluvinir. Allavega virtist Blake Lively ekkert öfundsjúk þótt Garfield væri að kela við eiginmann hennar.
