Það eru komnar þrjár vikur síðan að Nicki Minaj setti mynd á Instagram af Chanel inniskóm þar sem hún gaf í skyn að sambandið hennar og Meek Mill væri búið. Gaf hún það sterklega í skyn að hann hefði klúðrað þessu.
„Guði sé lof fyrir að ég slapp fyrir horn. Ég er svo komin yfir þig,“
stóð í færslunni. Hún merkti einnig færsluna með kassamerkinu #BestThingUNeverHad eða „það besta sem þú áttir aldrei.“
https://www.instagram.com/p/BN4a-cvDdpd/
Það fylgdu engar útskýringar með Instagram færslunni og það er ekki fyrr en núna að hún hefur opinberlega staðfest sambandsslit hennar og Meek Mill, en þau byrjuðu saman 2015. Hún staðfesti sambandsslitin á Twitter.
„Til að staðfesta, já ég er einhleyp. Einbeiti mér að vinnunni og hlakka til að deila því með ykkur mjög bráðlega. Eigið blessað nýtt ár. Elska ykkur.“
To confirm, yes I am single. Focusing on my work & looking forward to sharing it with you guys really soon. Have a blessed New Year. Love u?
— Chun-Li (@NICKIMINAJ) January 5, 2017
Samkvæmt E!Online þá hættu þau saman vegna samskiptaörðugleika.
„Þau voru að rífast reglulega einhvern tíma varðandi nokkur málefni sem komu Nicki í uppnám. Þau áttu svo stærra rifrildi í kjölfarið og ákváðu eftir það að hætta saman,“
sagði heimildarmaður E!Online um fyrrverandi parið. Sagði heimildarmaðurinn einnig að það hafi verið Nicki sem vildi slíta sambandinu og að það væri enn ást á milli þeirra tveggja.
