Rick Anderson er ástralskur kafari og á mjög sérstakan vin neðansjávar. Vinurinn er kvenkyns Port Jackson hákarl og hafa þau verið vinir síðastliðin sjö ár. Í hvert skipti sem hann fer að kafa og hún sér hann, þá syndir hún til hans og vill fá knús.
„Ég byrjaði að leika við hana fyrir sjö árum þegar hún var lítil,“
sagði Rick við The Dodo.
„Ég nálgaðist hana með mikilli varkárni svo ég myndi ekki hræða hana í burtu, síðan byrjaði ég að klappa henni. Þegar hún var orðin vön mér þá tók ég utan um hana með handleggnum og talaði rólega við hana.“
Rick er búinn að vera að kafa síðustu 27 ár og er með sinn eigin köfunarskóla.
„Næstu árin þegar hún sá og kannaðist við mig þá synti hún upp að mér til að fá klapp og knús. Fljótlega var hún byrjuð að pota í fæturnar mínar þangað til ég setti hendurnar út fyrir hana til að leggjast á og fá knús.“
„Flestir kafarar sem sjá þetta í fyrsta skipti eiga erfitt með að trúa sínum eigin augum. Ég gef ekki henni né hinum hákörlunum sem ég leik við eitthvað að borða, ég í rauninni kem bara fram við þá eins og hunda.“
