Samkeppnin er hörð í Hollywood þar sem tækifærin koma og fara. Þrátt fyrir að leikurum hafi tekist að næla sér í hlutverk, vinna til verðlauna, og öðlast heimsfrægð er ekki þar með sagt að þau hafi ekki gert mistök á ferli sínum eða misst af gullnum tækifærum. Nokkur af frægustu hlutverkum sjónvarps- og kvikmyndasögunnar hefðu getað verið allt öðruvísi en við þekkjum þau. Hér eru nokkur dæmi um slík hlutverk og leikarana sem höfnuðu þeim.
Kvikmyndin La La Land hefur þegar hlotið sjö Golden Globe verðlaun og verið tilnefnd til ellefu Bafta verðlauna. Emma Stone og Ryan Gosling hafa bæði hlotið Golden Globe fyrir leik sinn í myndinni en upphaflega bauðst Emmu Watson aðal kvenhlutverkið. Þau áform gengu hins vegar ekki upp.
Árið 1990 var leikkonan Molly Ringwald eftirsótt í aðal kvenhlutverkið í kvikmyndinni Pretty Woman. Hún afþakkaði, flutti til Frakklands og það hefur varla spurst til hennar síðan.
Leikarinn Will Smith hefur átt nokkuð farsælan feril þótt hann hafi ekki alltaf tekið bestu ákvarðanirnar. Hann hafnaði til dæmis hlutverki Neo í The Matrix til þess að leika í hinni grútlélegu Wild Wild West.
Skoski leikarinn Sean Connery sló snemma í gegn sem James Bond og hefur átt almennt farsælan feril. Hann hefur þó hafnað ótrúlega mörgum frábærum hlutverkum í gegnum tíðina. Honum bauðst til dæmis að leika Morpheus í The Matrix en hafnaði hlutverkinu og sagðist ekkert botna í handritinu. Síðar bauðst honum að leika sjálfan Albus Dumbledore í kvikmyndunum um Harry Potter en hafnaði því. Connery var einnig boðið að leika John Hammond í Jurrasic Park en hann vildi frá hærri laun fyrir hlutverkið en framleiðendur gátu reitt af hendi. Aftur bauðst Connery tækifæri til þess að leika skeggjaðan galdramann. Í þetta sinn var honum boðið hlutverk Gandalfs í Lord of the Rings. Hann hafnaði, en í staðin fengum við Ian McKellen og getum ekki hugsað okkur að hafa það öðruvísi.
Leikarinn hefur sjálfur sagt frá því að ákvörðunin að hafna titilhlutverki myndarinnar Forrest Gump séu hans stærstu mistök. Tom Hanks tók við hlutverkinu og hlaut Óskarsverðlaun fyrir túlkun sína á persónunni.
Stærstu mistök Katie Holmes á ferli sínum voru þegar hún giftist Tom Cruise. Nú eru þau blessunarlega skilin. Hún hefur hins vegar hafnað nokkrum góðum hlutverkum. Til dæmis vildi leikstjóri Orange is the New Black, þáttanna sem notið hafa mikilla vinsælda á Netflix, fá hana í hlutverk Piper Chapman. Holmes var einfaldlega of upptekin á þeim tíma. Mörgum árum áður var henni boðið að leika titilhlutverkið í þáttunum Buffy the Vampire Slayer. Þá ákvað hún að láta menntaskólanámið ganga fyrir – annað en Sarah Michelle Gellar sem verður ávallt hinn eini sanni vampírubani í hjörtum okkar.
Það er erfitt að ímynda sér nokkurn annan en Jon Hamm í hlutverki siðblinda auglýsingajöfursins Don Draper. Thomas Jane var hins vegar eftirsóttur í hlutverið. Gallinn var sá að hann hafði engan áhuga á að leika í sjónvarpsþáttum.
Þessi sígilda unglingamynd skartar Matthew Broderick í hlutverki Ferris Bueller. Johnny Depp var hins vegar boðið hlutverkið á undan honum, en þurfti að hafna því vegna annarra verkefna.
Tom Hanks var ofarlega í huga Cameron Crowe þegar hann skrifaði handrit að kvikmyndinni Jerry Maguire. Hanks var hins vegar upptekin við tökur myndarinnar That Thing You Do. Hann lýsti hins vegar yfir stuðningi við Tom Cruise sem fór að lokum með hlutverkið.
Kvikmyndin Silence of the Lambs hreppti alls fimm Óskarsverðlaun en það var Jodie Foster sem hlaut Óskarinn fyrir að leika Clarice Starling. Michelle Pfieffer hafnaði hlutverkinu þar sem hún var ekki hrifin af því að leika í svona drungalegri og alvörugefinni kvikmynd.
Hugh Jackman var boðið að leika James Bond í kvikmyndinni Casino Royale í stað Daniel Craig. Hann hafnaði hlutverkinu af ótta við að festast við sambærileg hlutverk allan feril sinn.
Leikaranum bauðst að fara með hlutverk Dirk Diggler sem var einstaklega vel vaxinn fyrir neðan belti. Hann segist hafa séð eftir því síðar meir enda sé hann mikill aðdáandi myndarinnar. Mark Wahlberg hreppti hlutverkið í hans stað.
Áður en Matthew Perry hreppti hlutverk Chandler Bing í sívinsælu gamanþáttunum Friends var leikaranum Craig Bierko boðið hlutverkið. Hann sér væntanlega eftir því að hafa hafnað þessu einstaka tækifæri enda veit enginn hver hann er í dag.
Bandarísku gamanþættirnir The Office hafa notið mikilla vinsælda en þeir byggja á samnefndir breskri þáttaröð. Paul Giamatti bauðst að fara með hlutverk Michael Scott en hann var ekki hrifinn af því að leika í sjónvarpsþáttum. Steve Carell nældi sér í hlutverkið og það er erfitt að ímynda sér þættina öðruvísi.
Leikarinn Matthew Borderick var heppinn þegar Johnny Depp hafnaði hlutverki Ferris Bueller. Bryan Cranston var einnig heppinn þegar Broderick hafnaði hlutverki Walter White í þáttunum Breaking Bad.
