Pixee Foxx hefur eytt hálfri milljón punda, um 72 milljónum íslenskra króna til að uppfylla ósk sína um að líkjast ofurhetjunni goðsagnakenndu, þar á meðal hefur Foxx undirgengist aðgerðir á brjóstum, augnlokum og mitti.
„Það fyrsta sem ég lét breyta var nefið, brjóstin og augnlokin. Ég vissi frá byrjun að ég vildi undirgangast fullt af aðgerðum, en það var smá ferli að fara alla þessa leið.“
Stærsta aðgerðin var þegar sex rifbein voru fjarlægð til að fá 16 tommu mitti (40,7 sm).
„Ég geri þetta ekki af hégóma, heldur sé ég mig sem rannsóknarverkefni fyrir vísindin,“ segir Foxx. „Ég er frumkvöðull í fegrunariðnaðinum. Ég er að færa hann fram á við, enda er ég fyrsta konan í heiminum til að láta fjarlægja sex rifbein.“
Hluti af „frumkvöðlastarfinu“ fólst í að fara til Indlands til að breyta um augnlit og til Kóreu til að láta endurmóta kjálkann.
Foxx hefur engar áhyggjur af hvaða áhrif aðgerðirnar hafa á heilsu hennar, þrátt fyrir að rifbeinaaðgerðin valdi því til dæmis að líffæri hennar eru í meiri hættu á að verða fyrir skaða ef/þegar hún verður fyrir höggi eða slysi. „Svo lengi sem ég passa mig þá verð ég í lagi.“
Foxx er heldur ekki hætt að fara í fegrunaraðgerðir og segist eiga eftir að fara í aðgerð frá hálsi og upp úr, sem hefur aldrei verið reynd áður og muni valda „sprengingu“ í fegrunaraðgerðaiðnaðinum.
