Smith, sem er 31 árs, hafði ekki mörg orð um myndirnar, heldur deildi þeim með orðunum: „Töfrar birtu, líkamsstöðu og fallegs bross.“
Myndirnar hafa fengið yfir 30 þúsund „like“ og fjölmargir skrifað athugasemdir þar sem þeir þakka Smith fyrir að deila myndunum.
„Takk fyrir að vera alvöru og deila,“ skrifar ein. „Líkamlegt ástand getur verið svo mismunandi eftir því hvernig maður er myndaður,“ skrifar annar. „Þegar ég pósta myndum af mér versus þegar vinir mínir pósta myndum af mér,“ skrifar sá þriðji í gríni.
Smith er ekki sú eina sem deilt hefur slíkri mynd því Sam Jameswood deildi samskonar mynd núna í lok ágúst. Við þær myndir skrifar hann að þær séu teknar með fimm sekúndna millibili, sem hljómar ótrúlega.
„Prógrammið hjá mér snýst um árangur, ekki fullkomnun og til að aðstoða raunverulegt fólk, þá verður maður að hafa þetta alvöru: Hér eru tvær myndir af mér teknar með fimm sekúndna millibili! Ekki festast í því hvernig aðrir líta út. Myndir sem þú sérð á Instagram og öðrum samfélagsmiðlum eru ekki sönn lýsing á hvernig fólk lítur út. Lýsing, líkamsstaða, annað sjónarhorn og fleiri trikk eru notuð. Ef að myndir hvetja þig áfram þá er það gott mál. Ef að þær leiða til óheilbrigðs samanburðar eða fá til til að efast um þig sjálfa/n þá er það óheilbrigt. Taktu mið af öðrum, en ekki ánetjast samanburði. Verðu tíma og orku í að rækta þig alla daga og vinna að því að verða besta, hamingjusamasta og heilbrigðasta útgáfan af þér!
Þau sýna bæði að það sem þú sérð á Instagram er ekki eini raunveruleikinn og allt sem þú sérð á netinu er ekki heilagur sannleikur.
