Hefur þú einhvern tíman farið á Instagram, kíkt síðan á klukkuna og allt í einu áttað þig á því að korter sé liðinn frá því þú fórst í símann? Þú ert örugglega ekki sú eina því meðaltíminn sem fólk eyðir á Instagram er um 32 mínútur fyrir notendur undir 25 ára og um 24 mínútur fyrir notendur eldri en 25 ára.
Instagram gaf út þessar tölur sem hluta af eins árs afmælisfögnuði „Stories“ á Instagram, sem var augljóslega „innblásið“ af Snapchat. Hins vegar gæti það komið mörgum á óvart að meðaltíminn sem notendur verja á Instagram er meiri en meðaltíminn sem notendur eyða á Snpachat. En þar eyðir meðalnotandinn undir 25 ára um 30 mínútum í senn og meðalnotandinn yfir 25 ára um 20 mínútum í senn.
Auðvitað ef maður horfir á meðaltímann þá virkar hann ekki svo langur, en margir kíka á Instagram mörgum sinnum á dag og þessar tölur gefa aðeins til kynna hvað fólk eyðir miklum tíma í senn en ekki á dag.
Um 50 prósent af fyrirtækjum sem eru með Instagram aðgang nota „Instagram Stories.“ Það sýnir að auglýsingabransinn hefur gjörbreyst með tilkomu samfélagsmiðla eins og Instagram.
Instagram gaf einnig út hvaða myllumerki eru vinsælust hjá þeim, en það eru #GOODMORGNING, #WORK og #GOODNIGHT.
Hvað eyðir þú miklum tíma á Instagram á dag?
