Söngkonan og lagahöfundurinn Sólborg Guðbrandsdóttir var að gefa út nýtt lag og myndband við það. Lagið heitir „Lífið snýst um mig og mína“ og er eldhress sumarsmellur.
Bróðir hennar, Davíð Guðbrandsson, leikstýrði myndbandinu og lék í því ásamt mágkonu Sólborgar, Hildi Selmu Sigbertsdóttur. Sólborg samdi lagið og textann.
„Myndbandið er tekið upp á Suðurnesjunum en mig langaði að fanga gleðina í laginu, sem snýst að mestu leyti um að njóta lífsins með sínum nánustu og vera ekkert að flækja hlutina,“
sagði Sólborg í samtali við Bleikt. Horfðu á myndbandið hér fyrir neðan.
Sólborg gaf út rapplagið „Skies in Paradise“ í maí. Bleikt fjallaði þá um Sólborgu og við fengum hana til að svara nokkrum skemmtilegum spurningum. Hér geturðu nálgast viðtalið við Sólborgu:
Sólborg rappari – „Vonandi verður þetta lag hvatning fyrir einhverjar stelpur til að láta vaða“
