Síðan 1998 hafa í kringum 712 börn dáið vegna hitaslags í Bandaríkjunum eftir að hafa verið skilin eftir í bifreiðum í miklum hita. Það þarf ekki meira en fimmtán mínútur í funheitum bíl til þess að barn hljóti lífshættulegan nýrna- eða heilaskaða af völdum hitans. Flest börn sem deyja eftir hitaslag í bíl eru undir tveggja ára aldri. Gæludýr geta einnig dáið á sama máta.
Í mörgum fylkjum Bandaríkjanna er ólöglegt að skilja börn eftir í bílum. Hér má sjá forvarnarmyndband sem Northview sýsla í Missouri styrkti.
Tíu ára drengur frá Texas hefur fundið upp tæki sem vonandi gerir þessi hræðilegu dauðsföll hluta af fortíðinni. Bishop Curry er gáfaður og skapandi ungur strákur. Hann hefur fundið upp tæki sem kallast Oasis.
Þetta sniðuga apparat fylgist með hitastiginu inni í bílnum. Þegar hitinn fer yfir ákveðið stig þá kemur kalt loft úr tækinu og á sama tíma sendir tækið frá sér viðvörun til foreldranna og yfirvalda í gegnum loftnet.
Bishop fékk hugmyndina að Oasis eftir að sex mánaða ungbarn nágranna hans lést vegna hitaslags eftir að hafa verið í heitum bíl.
Þó svo að Bishop er eins og er aðeins með 3-D leirlíkan af tækinu þá hefur hann og faðir hans safnað yfir 24 þúsund dollurum fyrir uppfinninguna á GoFundMe. Peningurinn fer í framleiðslu á tækinu og einkaleyfi fyrir því.
