Færsla Duston Holloway frá Texas hefur gengið eins og eldur í sinu um netheima undanfarna daga eftir að hann deildi sjálfsmyndum af sér og kærustunni sinni sem hélt framhjá honum. Duston kom heim þar sem þáverandi kærasta hans lá sofandi í rúminu þeirra með öðrum karlmanni. Frekar en gera allt brjálað, öskra á kærustuna og ráðast á manninn, þá ákvað hann að vera rólegur og taka nokkrar „selfís“ af sér með þeim sofandi.

„Þegar þú kemur heim og finnur annann mann í rúminu með konunni sem þú elskaðir! Góðir menn eiga skilið góðar konur,“

skrifaði hann. Færslan vakti mikla athygli og varð dreift víðsvegar um netheima. Hann hefur síðan þá tekið myndirnar úr birtingu en ekki fyrr en fólk náði skjáskotum sem dreifðust um Twitter.

Cold World Smh pic.twitter.com/b1sMMvhJeG

— Mason🌊 (@NiceInBrooklyn) April 22, 2017

Í samtali við Dudecomedy sagði hann frá atvikinu og maður verður eiginlega bara að hrósa honum fyrir ótrúlega yfirvegun. Hann lýsir atvikinu þannig að hann kom heim og fann þáverandi kærustuna sína sofandi í rúminu þeirra hliðina á öðrum manni. Hann langaði að berja manninn en ákvað í staðinn að vera rólegur og taka sjálfsmyndir. Hann reyndi að vekja hana en hún var svo ölvuð að hún vaknaði ekki, hann ætlaði að spyrja hana hvort hann þyrfti þá að sofa í gestaherberginu og hvernig morgunmat manninn langaði í.

Duston hefur fengið gríðarlegan stuðning víðsvegar frá og mörg þúsund einstaklingar hafa sent honum skilaboð.

„Ég hef fengið þúsundir skilaboða frá fólki alls staðar úr heiminum sem óskar mér til hamingju að vera betri maðurinn og labba í burtu. Ég hef stolt og virðingu. Mér finnst ótrúlegt hvernig hlutirnir enduðu í gær, ég hélt að heimurinn minn hafði splundrast, ég var í svo mikilli ástarsorg yfir að verða vitni að eitthverju eins og þessu, en með ótrúlega miklum stuðningi frá Facebook, fjölskyldu og vinum, þá vil ég persónulega þakka hverjum og einum.“

Dustin er meira að segja kominn með sitt eigið myllumerkið sem fólk notar til að lýsa yfir aðdáun og stuðningi gagnvart honum #TeamDustin.