Söngkonan Glowie (Sara Pétursdóttir) var að undirrita samning við útgáfurisann Columbia í Bretlandi. Mbl greindi frá þessu í morgun.

Glowie hefur unnið mikið að undanförnu með Pálma Ragnari Ásgeirssyni, lagahöfundi, sem er meðlimur StopWaitGo-teymisins.

Lestu meira: Þegar Sara var að stíga sín fyrstu skref í tónlistinni birtum við á Bleikt viðtal við hana. Lestu það hér.

Sindri Ástmarsson er umboðsmaður Glowie, en í samtali við Mbl segir hann að mörg plötufyrirtæki hafi sýnt söngkonunni áhuga og að hún hafi geta valið milli risanna.

Sindri er enginn nýgræðingur þegar kemur að því að slá í gegn á erlendri grundu, hann var m.a. umboðsmaður Kaleo, en hann segir þennan samning þann stærsta sem hann hefur komið að. Hann bætir því við að þetta sé einn stærsti plötusamningur sem Íslenskur tónlistarmaður hefur gert erlendis.

Teymið á bak við Glowie mun telja 50 manns.

Mbl ræddi einnig við Söru sjálfa um samninginn, eins og við er að búast er stór draumur að rætast.

„Þetta er bara búið að ger­ast svo hratt. Ég var ný­kom­in úr flugi þegar ég skrifaði und­ir og náði ekki að sofa neitt. Svo var ég bara hálf­dof­in rest­ina af deg­in­um. Þegar ég skoða mynd­ir frá þessu sé ég hvað ég stíf, bæði þreytt og svo bara gjör­sam­lega agndofa yfir þessu öllu sam­an,“

seg­ir Sara við Mbl.

Sara segir að pabbi hennar hafi stutt hana í öllu ferlinu og sé stór partur af því.

Margar stórstjörnur eru á mála hjá Columbia. Meðal þeirra eru Cal­vin Harris, Adele, Beyonce, Daft Punk, Mark Ronson, Bruce Springsteen, Robbie Williams, Foo Fithg­ters og Bob Dyl­an.

Skellum hér inn einu uppáhaldslagi okkar á Bleikt sem Glowie hefur flutt – hér er hún með Högna Egilssyni í laginu All out of luck sem Selma okkar allra flutti í Eurovision um árið!

Umfjöllun Mbl má lesa í heild sinni hér.