Söngvarinn, húmoristinn og þúsundþjalasmiðurinn Pétur Örn Guðmundsson, eða Pétur Jesú eins og hann er oft kallaður, fór í herraklippingu um daginn. Hann sem sagt lét aftengja sáðrásir sínar til að verða ófrjór.

Pétur læðist venjulega ekki með veggjum og það árri heldur ekki við í þessu tilfelli – en hann birti myndband af ferlinu á facebook síðu sinni. Það var góðvinur Péturs, tökumaðurinn Benedikt Anes Nikulás Ketilsson, sem hjálpaði Pétri að vinna myndbandið – eins gott því hann var svæfður í aðgerðinni.

Sagan birtist fyrst á geysivinsælu Snapchati Péturs – gramedlan. Ef þið eruð ekki nú þegar fylgjendur ættuð þið að gerast það TAFARLAUST.

Við viljum hrósa Pétri fyrir framtakið – það er sko ekkert feimnismál að fara í herraklippingu!