Íslenskt mál er auðugt, en það vantar dálítið upp á þegar kemur að ást og losta. Þvi betur sem við getum tjáð okkur – því betra verður kynlífið! Ef lesendur luma á skemmtilegu orði eða orðskýringum má senda ábendingar á raggaeiriks@bleikt.is. Húrra fyrir ástríkara og lostafyllra móðurmáli!
Handrið – sjálfsfróun, óháð kyni.
Lúftrúnk – þegar annarri höndinni er sveiflað í rúnkhreyfingu, augum gjarnan ranghvolft um leið. Yfirleitt notað til að lýsa vanþóknun.
Að fara suður – að veita munngælur.
Að fara afsíðis – að stunda sjálfsfróun.
Tindermyndablinda – þegar einstaklingur skráir sig á Tinder og birtir óviðeigandi myndir – er ekki dómbær á eigin myndir.
Brómantík (e. bromance) – djúp vinátta eða ást milli tveggja gagnkynhneigðra karlmanna.
Kynlífsþynnka – tómleikatilfinning eftir ríkulega ástundun kynlífs. Oft hægt að koma í veg fyrir með samtölum og knúsi.
Einhyrningur – tvíkynhneigð kona sem tekur þátt í kynlífi með pari en krefst ekki annarrar skuldbindingar. Oft er talað um að þær séu jafn vandfundnar á jörðinni og einhyrningar.
Skeggblinda – þegar skeggsækni einstaklings er á það háu stigi að annað í fari þess skeggjaða, svo sem persónuleiki, hættir að skipta máli.
Bjullur – brjóst á karlmanni. Hjá sumum karlmönnum safnast fita undir geirvörtur á bringunni svo úr verða brjóst. Fræðiheitið er „gynecomastia“. Stundum er orsökin truflun á hormónastarfsemi en í öðrum tilfellum er fitudreifingu líkamans um að kenna.
Rimma – sögnin að rimma vísar til þess þegar tunga er notuð í þeim tilgangi að örva endaþarmsop.
Tvípoka – þegar tveir smokkar eru settir á lim fyrir samfarir. Þess ber að geta að framkvæmdin er ekki talin fela í sér aukna vörn gegn þungun eða smiti sjúkdóma.
Loðtaco – píka. Tveir barmar, safaríkt innihald – og hár!
Kvensmokkur – sérstakur smokkur úr pólýúretan-plastefni sem notaður er til að klæða leggöng fyrir samfarir. Á báðum endum er stinnur hringur sem heldur smokknum á sínum stað.
Reðurteppa (e. cockblock) – prýðileg íslenskun á þessari sögn. Hér er átt við þegar einstaklingur kemur í veg fyrir möguleika karlmanns á kynmökum.
Leikjaþynnka (e. subdrop/domdrop) – vanlíðan í kjölfar BDSM-leiks.
Leikjaflug (e. subspace/domspace) – vellíðan eða hugleiðsluástand sem getur skapast hjá fólki í BDSM-leikjum.
Skonsa – nýyrði yfir kynfæri kvenna. Komst í hámæli eftir fyrirsögn í frétt Morgunblaðsins.
Slölli – sleikur eða tungukoss.
Dráttarvél – titrari, kynlífsleikfang.
Sískona (e. cis-woman) – einstaklingur sem upplifir sig sem konu og hefur fæðst í kvenlíkama. Í daglegu tali kallað kona.
Búðingur – vottur af holdrisi hjá karlmanni.
Gæluvarðhald – kynlífsleikur þar sem aðili er bundinn og þiggur gælur í því ástandi.
Líkþrá (e. necrophilia) – þráin eftir því að hafa samræði við lík.
Samlóka – vísar til kvenna sem hafa átt sömu ástmennina, samanber kviðmágar sem lengi hefur verið notað um karlmenn sem hafa sængað með sömu konunni.
Argur – að vera argur þýddi áður fyrr að vera samkynhneigður karlmaður.
Handavinna – að nota hendurnar til örvunar kynfæra.
Þríhyrningur (e. threesome) – kynlíf þar sem þrír taka þátt.
Ferhyrningur (e. foursome) – kynlíf þar sem fjórir taka þátt.
Marghyrningur (e. moresome) – kynlíf þar sem fleiri en fjórir taka þátt.
Mótorbátur – þegar andlit er sett milli brjósta, blásið og höfuð hrist á sama tíma.
Þjókall (e. booty call) – símtal, gjarnan seint um kvöld, þar sem boðið er til kynlífsstundar.
B-blettur – vísar til blöðruhálskirtils karlmanna. Hægt er að örva blöðruhálskirtilinn gegnum endaþarm og magna þannig upp tilfinningu við fullnægingu.
Ókynhneigð (e. asexuality) – notað um þá sem hneigjast ekki til kynlífs og/eða finna ekki fyrir kynferðislegri aðlöðun gagnvart öðru fólki. Samkvæmt breskri rannsókn frá 2004 féll 1% þátttakenda undir þessa skilgreiningu.
Kynsæl/l – einhver sem stundar mikið kynlíf og nýtur kynferðislegra vinsælda.
Sveigjanleg kynhneigð (e. heteroflexibility) – hæfileikinn eða áhuginn fyrir að leyfa sér kynferðislegan áhuga eða samneyti við einstaklinga af kyni sem maður hneigist ekki til alla jafna.
Hýr (e. queer) – regnhlífarhugtak fyrir þá sem skilgreina sig ekki gagnkynhneigða eða af karl-/kvenkyni. Innan hugtaksins falla hommar, lesbíur, tvíkynhneigðir, transfólk, intersex-fólk og ókynhneigðir.
Legháls (e. cervix) – neðsti hluti legsins sem tengir legið við leggöngin. Þegar talað er um útvíkkun í undirbúningi fæðingar er verið að vísa til útvíkkunar leghálsins.
Hnefaleikar (e. fisting) – það athæfi þegar hnefi er settur inn um líkamsop til kynferðislegrar örvunar.
Andlitsseta (e. face sitting) – þegar kona situr klofvega á andliti annarrar manneskju til dæmis þannig að snípur nemi við nef og leggöng við munn.
Saflát (e. female ejaculation/squirting) – losun á vökva við fullnægingu hjá konu. Vökvinn kemur úr kirtilvef sem umlykur þvagrásina og er svipaður að samsetningu og vökvinn sem blöðruhálskirtill karlmanna framleiðir.
Tvíkynhneigð (e. bisexualiy) – að hafa hæfileikann til að laðast kynferðislega og tilfinningalega að bæði konum og körlum. Hugtakið hefur verið gagnrýnt fyrir tvíhyggju því það felur í sér að til séu tvö kyn og ekkert þar á milli.
Kameltá (e. cameltoe) – orð sem er notað yfir píku, þegar ytri barmar sjást aðskildir, gegnum þröngar buxur.
