Þú gætir minnkað matarsóun heimilisins OG sparað þér slatta af tíma við matargerðina ef þú venur þig á að smella fleiru í frystinn. Kíktu á listann!
Ferskar kryddjurtir halda alveg bragði sínu þó þær séu settar í frysti. Það er ágætt að venja sig á að skola af þeim, þerra og hafa í loftþéttum umbúðum (poka eða plastboxi). Einnig er upplagt að búa til kryddsmjör og eiga í frystinum og galdra fram með grillmatnum. Í kryddsmjör er hægt að nota ýmsar kryddtegundir sem blandað er saman. Prófaðu til dæmis að bæta hvítlauki, sítrónuberki og salti við væna smjörklípu, rúlla í plast og frysta.
Er smá deigklípa eftir en þú ert kannski ekki alveg að nenna að skella hálffullri plötu inn í ofn? Settu þá afganginn af hráa deiginu í frysti! Það er ágætt að vera búinn að skipta deiginu í hæfilega stóra bita þannig að hægt sé að smella því beint á bökunarplötu og inn í ofn þegar löngunin í nýbakaðar smákökur vaknar.
Það er hægt að frysta allar pastagerðir og þannig spara töluverðan tíma næst þegar þú ætlar að bjóða uppá slíkt. Ef þú ætlar að geta hitað það upp til seinni nota er best að taka það úr sjóðandi vatninu rétt áður en það er fullsoðið. Þá klárar það suðutímann um leið og það er hitað upp t.d. í örbylgjunni.
Það gerist nú alloft að fjölskyldan borðaði ekki jafn mikið af hrísgrjónum og voru soðin fyrir máltíðina. Þá er um að gera að skella í poka og inn í frysti! Mundu bara að hita almennilega áður en á að nota næst.
Ekki setja mjólk í frysti ef þú ætlar þér að drekka hana því áferðin getur breyst. En að nota í matargerð eða bakstur virkar prýðilega. Upplagt er að gera þetta við mjólkurvörur sem eru alveg að renna út.
Það er mjög enfalt að frysta hvítlauk hvort sem það er heill laukur, geirar eða pressaður/saxaður. Mikilvægast er að laukurinn sé í loftþéttum umbúðum. Það getur líka verið sniðugt að sneiða niður hvítlauk og setja í olíu og frysta svo. Olían frýs ekki og þá er einfalt að taka út og nota akkúrat passlega mikið.
Brjóttu eggin í skál, þeyttu þau örlítið og settu svo í box eða poka. Hvítur er líka hægt að frysta útaf fyrir sig. Best að nota innan árs.
Fullkomnir í boozt! Hægt að frysta þá heila en langauðveldast er að skera þá í minni bita og setja í loftþéttan poka. Þá er hægt að kippa út nokkrum bitum eftir þörfum.
Það er ágætt að setja matskeið af sítrónu eða límónusafa á avókadókjötið og mauka það örlítið áður en því er skellt í box eða poka. Þá mislitast það ekki.
