„Þetta er árlegur viðburður, virkir í athugasemdum og góða fólkið rís úr dvala (ekki að það fari í dvala nokkurn tíman) og segir okkur að það sé algjörlega ómögulegt að halda upp á svona hefðir sem eru í ekki í grunninn íslenskar,“ skrifar Oddny Silja í skemmtilegum pistli um Valentínusardaginn og tuðið sem hún segir að fylgi honum hér á Íslandi.

Oddný Silja

Oddný, sem er frábær pistlahöfundur á síðunni dætur.is, segir að oft tali þessir einstaklingar um Valentínusardaginn sem markaðsherferðadaginn mikla, misnotkun á neytendanum og vitleysu sem megi alls ekki taka þátt í án þess að fá að heyra hvað þeim finnst.

Má þetta ekki bara vera krúttlegur dagur sem þeir njóta sem kjósa að halda upp á? Það má alveg halda upp á Valentínusardaginn OG konudaginn OG bóndadaginn. Og öskudaginn OG halloween.

Hún spyr af hverju þetta þurfi að vera svona mikið mál og segir að öskudagurinn sé ekki íslenskur í grunninn en er orðin „íslensk“ hefð.

Hvaðan höldum við að þessir dagar og hefðir koma? […] Það var enginn að spá að gefa bóndanum sínum ilmolíu nudd með rjómasprautu á bóndadaginn þegar við bjuggum í moldarkofum […]

Oddný segir að það þurfi ekki að kaupa dýrar gjafir til að vera dúlla við makann sinn. Hún segir að ástarbréf í vasann á leiðinni í vinnuna, aðeins lengri koss yfir eldamennskunni í kvöld eða segja „hey sexý“ sé alveg nóg.

Við eigum nefnilega til að gleyma þessum mikilvægu „litlu“ hlutum í amstri dagsins […] Ef við viljum knúsast aukalega þrjá daga á ári en ekki bara tvo þá megum við það og þurfum ekki að afsaka það fyrir virkum. Þeir verða bara að fara í tuðklúbbinn sinn í kvöld og grenja yfir þessu þar.

Hægt er að lesa pistil Oddnýjar heild sinni og fleiri eftir hana hér  en hún er líka á Snapchat:  Oddnysilja