Dóttir mín varð tveggja ára í vikunni og því ber nú að fagna. Afmæli, veisluhöld, skipulag og bakstur er eitt af mínum áhugamálum. Ég hef ótrúlega gaman af því að prófa mig afram í bakstrinum og leika mér með þær hugmyndir sem ég fæ.

Eins og flestar stúlkur frá aldrinum nýfæddar til um það bil 45 ára, þá vildi dóttir mín óska þess að hún væri Elsa í Frozen og er handviss um það að hún sé í raun og veru prinsessa. Það verður erfiður rigningardagur í framtíðinni þegar ég þarf að útskýra það fyrir henni að hún sé því miður ekki prinsessa, heldur Hafnfirðingur!

Jæja, hvað um það.. Í dag fékk hún að vera prinsessa í einn dag og öllu var slegið til svo yðar hátign færi nú sátt að sofa.

Ég hef undanfarna viku staðið í undirbúningi fyrir veisluna og leyft fylgjendum mínum á Snap að fylgjast með öllu saman en það gerir baksturinn ennþá skemmtilegri!

Það fyrsta sem ég gerði voru margengstoppar með Frozen ívafi en uppskriftina um þá má finna hér.

Ég keypti einnig Prezels og sykurpúða og lék mér að skreyta það með bræddu hvítu og dökku súkkulaði og sykurskrauti.

Ég hef alltaf nokkrar tegundir af mjólkur og eggjalausum veitingum í boði í þeim veislum sem ég held þar sem ofnæmi og óþol fyrir þessum vörum eru mjög algeng.

Ég gerði því muffins með uppskrift sem hægt er að fá hér.

Heitir réttir eru alltaf vinsælir og að þessu sinni gerði ég tvær uppskriftir, eina „venjulega“ og aðra í sterkari kanntinum en sá réttur sló í gegn! Uppskriftirnar af heitu réttunum má finna hér fyrir neðan.

Að lokum er það afmæliskakan sjálf en það er hefðbundin súkkulaðakaka ala góð vinkona mín Betty Crocker og smjörkrem frá Freistingum Thelmu sem hægt er að fá hér.

Ég gerði kökuna mjög háa þar sem ég vildi að hún væri eins og stór ísjaki. Ég gerði svo þrjá mismunandi liti af smjörkremi, hvítt, ljósblátt og aðeins dekkra blátt og lék mér svo að því að dreyfa kreminu í engri sérstakri röð á kökuna. Skreytingarnar á kökunni fást allar í búðinni Allt í Köku nema snjókornin á stönglunum, þau fékk ég í Söstrene Grene.

Prinsessa dagsins fékk dásamlega vini og ættingja í heimsókn, fullt af gjöfum og fór södd og sæl að sofa eftir viðburðaríkan dag.

Þangað til næst.

Endilega fylgið mér á Snap: anitaeh