Það voru skemmtileg tímamót í sambandi Harry prins og Meghan Markle þegar þau eyddu tíma saman í síðustu viku. Á þriðjudaginn fór Meghan í Kensington Palace og hitti Katrínu (Kate/Catherine) Middleton í fyrsta skipti. Meghan hafði nú þegar hitt Vilhjálm prins fyrir nokkrum mánuðum. Þykir þetta merki um að sambandið sé orðið alvarlegt en Harry og Meghan eru víst alveg yfir sig ástfangin.
Samkvæmt The Sun kom konunum vel saman en Meghan færði Katrínu hertogaynju fallega draumadagbók en hún átti afmæli á dögunum. Nú er sennilega bara tímaspursmál hvenær Meghan fær að hitta drottninguna sjálfa. Margir telja að Meghan sé sú eina rétta fyrir Harry prins og að hún muni verða eiginkona hans einn daginn. Er ekki kominn tími á annað konunglegt brúðkaup?
