Ekki allir geta haldið góðu sambandi við fyrrverandi maka og hvað þá verið áfram nánir vinir þeirra. Það er þó ekki vandamál fyrir leikarana Andrew Garfield og Emmu Stone en þau hættu saman árið 2015 eftir fjögurra ára samband. Andrew styður Emmu svo mikið að aðdáendur þeirra halda ennþá í vonina um að þau byrji aftur saman. Hann talaði alveg einstaklega fallega um sína fyrrverandi í podcasti Vanity Fair á dögunum.
„Ég er hennar stærsti aðdáandi sem listamaður. Ég fæ stöðugan innblástur frá því sem hún gerir,“ sagði Andrew þar meðal annars en hann kynntist Emmu fyrst við tökur á kvikmyndinni The Amazing Spider-Man.
„Það hefur verið æðislegt fyrir mig að fylgjast með henni ganga svona vel og blómstra í þessa leikkonu sem hún er í dag.“
„Það er svo mikil ást á milli okkar og svo mikil virðing… Það hefur líka verið frábært að hafa þennan stuðning við hvort annað. Það er ekkert nema fallegur hlutur.“
Þegar Emma vann Golden Globe verðlaun sem besta leikkonan fyrir La La Land á dögunum, var Andrew einn sá fyrsti í salnum sem stökk á fætur til þess að klappa fyrir henni. Aðdáendur parsins fögnuðu þessu auðvitað og halda áfram fast í vonina um að þau endi saman og lifi hamingjusöm til æviloka.
Andrew Garfield gave Emma Stone a standing ovation so i’m holding on to some hope pic.twitter.com/wo014wAUu2
— lauren yap (@itslaurenyap) January 9, 2017
