Þetta er hún Borgþóra Bryndís Þórðardóttir sem fæddist þann 22. ágúst 2016. Þessi smáa stúlka er með hárprúðari börnum sem við á Bleikt höfum augum litið. Við vorum því afskaplega kát að fá að deila myndum af henni með lesendum Bleikt.

Erna Björg Gylfadóttir, mamma Borgþóru Bryndísar, segir í spjalli við Bleikt að sjálf hafi hún hverið ansi hárprúð sem barn. Það var hin tæplega fimm mánaða dóttir hennar líka strax og hún fæddist. „Síðan hefur það bara vaxið en er orðið töluvert ljósara en í upphafi.“

Borgþóra Bryndís er yngst fjögurra systkina, en að sögn Ernu Bjargar var ekkert þeirra var með svona mikið hár.

Það er kannski heppilegt að Erna Björg skuli vera hárgreiðslukona. „Ég er búin að klippa hana nokkrum sinnum. Hún elskar hárþvott og nýtur þess til hins ítrasta og ég má gjarnan greiða henni, en henni finnst ekki gott að hafa teygju í hárinu.“