Knattspyrnukappann David Beckham þarf vart að kynna fyrir neinum en hann lék um árabil með stórliði Manchester United áður en hann gekk síðan til liðs við Real Madrid áður en hann fór til AC Milan og PSG í Parísarborg. Hann er giftur Victoriu fyrrum Kryddpíu og eiga þau fjögur börn saman, þrjá stráka og eina stelpu. Beckham er mikill lífskúnster og gerir vel við sig og sína í mat og drykk. Það ætti því ekki að koma neinum á óvart að Beckham hafi skellt sér á Hamborgarabúllu Tómasar í Lundúnaborg.
Á Búllunni skellti Beckham sér á kjúklingaborgara en ekki er ljóst af Instagram reikningi fótboltakappans hvort um hafi verið að ræða Búlluna í Thayer Street eða Kings Road í Lundúnum. Búllan hefur átt miklum vinsældum að fagna í Lundúnum og til stendur að opna þriðja staðinn í Soho hverfinu á þessu ári.
