Þó svo að nánast allir sem við þekkjum séu á Facebook þá getur það oft verið flókið fyrirbæri. Það eru færslur, hópar, myndir, myndbönd, síður og svo mikið meira, og eru allir þessir hlutir með allskonar stillingar. Hér fyrir neðan eru tíu mjög nytsamlegar stillingar sem þú ert hugsanlega ekki að nota en listinn birtist upprunalega á síðunni Brightside. Facebooksérfræðingar á meðal okkar lesenda vita örugglega af þessum stillingum en það er alltaf gott að kíkja yfir þessar stillingar þar sem margar snúa að öryggisatriðum og aðganginum þínum á Facebook.
Facebook er með tvö innhólf. Eitt af þeim er fyrir fólk sem eru ekki vinir þínir á Facebook og heitir Skilaboðabeiðnir (Message requests). Þar þarftu að samþykkja að fá skilaboðin áður en þú getur svarað þeim, ef þú kýst að gera það. Margir vita ekki af þessu innhólfi og því misst kannski af boðum á atburði eða skilaboðum.
Ef þú ert að spá hvort þú hafir skráð þig út af Facebook í tölvunni hjá vinkonu þinni þá getur þú ýtt á litla ör í efra horninu til hægri. Veldu Stillingar (Settings), svo Öryggi (Security) á listanum til vinstri, og síðan veluru Hvar þú ert skráð(ur) inn (Where you‘re logged inn). Nú getur þú séð alla vafrana þar sem þú ert skráður inn. Til að skrá þig út af einhverjum vafra þá ýtiru bara á „End activity.“
Ef þú ert í einhverjum vafa um öryggiskerfi Facebook þá getur þú notað Staðfesting innskráningar (Login Approvals) í Öryggi (Security) flipanum. Öryggiskerfið mun þá þurfa lykilorð þegar það er verið að skrá þig inn á aðganginn þinn frá óþekktu tæki. Þannig ef það er verið að skrá þig inn á Facebook aðganginn þinn frá tæki sem þú hefur aldrei notað, þá þarftu að nota lykilorð sem þú færð sent í símann þinn.
Þú getur valið vin sem þú treystir sem getur hjálpað þér að komast aftur inn á aðganginn þinn ef þú gleymir lykilorðinu. Þú gerir það með því að velja Your Trusted Contacts. En hefur þú einhverntíman pælt hvað gerist fyrir Facebook aðganginn þinn þegar þú ert hætt(ur) að nota hann? Facebook gefur þér möguleika á að velja manneskju sem verður ábyrg fyrir aðganginum þínum ef þú deyrð eða eitthvað kemur fyrir þig. Þú gerir það með því að velja Arfleifðartengiliður (Legacy contact) í Öryggi (Security) flipanum. Sá aðili mun ekki geta spjallað við aðra né sett inn færslur heldur aðeins breytt prófílmyndinni þinni og svarað vinabeiðnum.
Stundum viljum við skoða gamlar skemmtilegar myndir og fyndin samtöl við vinina. Til að gera það þá ferðu á prófíl vinar þíns, ýtir á þrípunkta flipann efst hægra megin við Skilaboð (Message) og velur Sjá vinatengsl (See Friendship).
Facebook býður notendum að sjá allt sem þeir hafa sett inn, líkað við eða skrifað ummæli á. Ýttu bara á Skoða virkniskrá (View Activity Log) á síðunni þinni.
Ef þú vilt vita hvernig einstaklingar sem eru ekki vinir þínir á Facebook sjá prófílinn þinn þá ýtir þú á þrípunkta flipann hliðin á Skoða virkniskrá (View Activity Log) og velur Skoða sem… (View As).
Facebook býður ekki einungis upp á textaspjall heldur einnig vídeóspjall. Til að vídeó hringa í vin þinn þá ýtir þú á litlu myndina af myndavél í spjallflipanum.
Þessar tvær stillingar: Sjá fyrst (See First) og Nánir vinir (Close Friends), passa upp á það að þú missir ekki af neinum upplýsingum sem þú hefur áhuga á. Sjá fyrst hnappurinn setur færslur þeirra vina sem þú velur efst í fréttaveituna þína. Það hinsvegar lætur þetta þig ekki vita af nýjum færslum eins og Nánir vinir virknin gerir. Þar getur þú valið nokkra vini þar sem þú færð tilkynningu í hvert skipti sem þeir vinir deila einhverju eða setja inn færslur.
Það er mikið af upplýsingum og gagnlegu og skemmtilegu efni á Facebook, færslur frá fólki, fréttir frá fjölmiðlum og allskonar annað. Fyrir þá sem hafa ekki mikinn tíma og sjá færslu sem þeir vilja skoða geta þá vistað færsluna til að lesa skoða seinna. Þú ýtir á örina sem bendir niður í efra hægri horninu á færslunni sem þú ert að skoða, ýtir síðan Vista tengil (Save Post eða Save link). Þú getur síðan skoðað vistað efni í Vistað (Saved) flipanum sem er vinstra megin á heimasíðunni þinni. Facebook minnir þig svo á færsluna ef þú ferð ekki og skoðar hana fljótlega eftir að hún er vistuð.
