fbpx
Sunnudagur 06.apríl 2025

Brain Police hita upp fyrir Guns N´ Roses: „Spilum það sem fólk vill heyra“

Kristinn H. Guðnason
Föstudaginn 13. júlí 2018 20:00

Ekki missa af Helstu tíðindum dagsins í pósthólfið þitt

Lesa nánar

Hljómsveitin Brain Police mun hita upp fyrir bandarísku hljómsveitina Guns N´ Roses þann 24. júlí á Laugardalsvelli á tónleikum sem verða þeir fjölmennustu í Íslandssögunni og umfang þeirra það mesta. Með hljómsveitinni koma 45 gámar af búnaði sem vega 1300 tonn og sviðið sjálft 65 metra breitt.

Í tilkynningu frá skipuleggjendum segir:

„þrír risaskjáir færa tónleikagestum hvert smáatriði beint í æð, svo ekki sé minnst á stærsta hljóðkerfi sem sett hefur verið upp á Íslandi. Þá er ótaldar alls kyns eldsýningar, sprengur og reykvélar sem koma til með að trylla rokkþyrsta tónleikagesti.“

 

Nighttrain í uppáhaldi

Í samtali við DV segir Jón Björn Ríkharðsson, eða Jónbi, trymbill Brain Police:

„Þetta verður gaman. Þetta eru Gun N´ Roses og þetta er einn stærsti túrinn sem er í gangi í dag.“

Brain Police eru margreyndir í faginu og hafa reynslu af tónleikum af þessari stærðargráðu. Þeir hituðu upp fyrir þungarokkssveitina Metallica árið 2004 í Egilshöll. Það voru þá stærstu innitónleikar sem haldnir höfðu verið, 18 þúsund manns mættu. Þessir tónleikar eru hins vegar úti og áhorfendur verða fleiri.

Hlustar þú mikið á Guns N´ Roses?

„Já, og sérstaklega Appetite for Destruction plötuna. Ég starfa líka sem plötusnúður, aðallega á Lebowski Bar og á Dillon þegar Andrea Jóns vill fá frí. Þá set ég oft Guns N´ Roses á fóninn.“

Hvert er uppáhalds lagið?

„Úff, þegar stórt er spurt. Ætli það sé ekki Nighttrain. Það hefur eiginlega allt.“

Jónbi gerir ráð fyrir að sett Brain Police verði um hálftími.

„Við munum spila öll þessi gömlu góðu og svo eitthvað af EP plötunni sem við gáfum út síðastliðið sumar. Við erum ekkert að fara að sýna neina nýja hjólbarða heldur spilum það sem fólk vill heyra. Um það snýst þetta, að koma fólki í gott skapp.“

Hljómsveitin Brain Police stendur nú á tímamótum því að hún var stofnuð fyrir tuttugu árum síðan. Haldið verður upp á það næstkomandi nóvember.

Hliðin verða opnuð klukkan 17 og munu Brain Police stíga á sviðið skömmu síðar og svo sjálft aðalatriðið. Guns N´ Roses hafa verið að spila í rúmlega þrjár klukkustundir á tónleikaferðalaginu sem hófst árið 2016 og er hljómsveitin því í toppformi. Miðana má nálgast á show.is.

https://www.youtube.com/watch?v=2oYyPLPhr40

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 13 klukkutímum

Ber gervigreindin ábyrgð á undarlegum tollum Trump? – Beinast meðal annars gegn bandaríska hernum, mörgæsum og ísbjörnum

Ber gervigreindin ábyrgð á undarlegum tollum Trump? – Beinast meðal annars gegn bandaríska hernum, mörgæsum og ísbjörnum
433Sport
Fyrir 13 klukkutímum

Höskuldur fagnaði komu dóttur sinnar með marki: ,,Það var viðeigandi“

Höskuldur fagnaði komu dóttur sinnar með marki: ,,Það var viðeigandi“
433Sport
Fyrir 15 klukkutímum

Segist hafa verið niðurlægð af mjög þekktum manni – ,,Hann bað oft um eina mynd í viðbót“

Segist hafa verið niðurlægð af mjög þekktum manni – ,,Hann bað oft um eina mynd í viðbót“
433Sport
Fyrir 15 klukkutímum

Fyrsta mark Bestu deildarinnar 2025 er komið

Fyrsta mark Bestu deildarinnar 2025 er komið
433Sport
Fyrir 17 klukkutímum

Vill fá sex leikmenn til Liverpool

Vill fá sex leikmenn til Liverpool
Fréttir
Fyrir 18 klukkutímum

Fiskikóngnum gróflega misboðið – „Er ekki allt í lagi með ykkur ??“

Fiskikóngnum gróflega misboðið – „Er ekki allt í lagi með ykkur ??“
433Sport
Fyrir 19 klukkutímum

Segir að risastórt enskt félag sé að horfa til mannsins sem var rekinn frá West Ham

Segir að risastórt enskt félag sé að horfa til mannsins sem var rekinn frá West Ham
Fréttir
Fyrir 20 klukkutímum

Sósíalistar bregðast við deilum innan flokksins með því að takmarka málfrelsi – „Svona lítur ógnarstjórn og þöggun út, svo allir athugi“

Sósíalistar bregðast við deilum innan flokksins með því að takmarka málfrelsi – „Svona lítur ógnarstjórn og þöggun út, svo allir athugi“