Nýjasta kvikmyndin í Halloween seríunni er frumsýnd um helgina og hefur fengið góð viðbrögð.
Hrollvekjan rauk beint í efsta sæti aðsóknarlistans í Bandaríkjunum síðustu helgi og hafa sögur borist um að ýmsir bíógestir hafi fengið þann hrylling sem þeir greiddu fyrir. Margir þeirra hafa verið duglegir að tjá skoðanir sínar á samfélagsmiðlum og er allt útlit fyrir að sumir nái seint að jafna sig eftir áhorfið.
Samkvæmt umsögnum á veraldarvefnum er orðið algengt að áhorfendur skilji eftir ljósin kveikt að myndinni lokinni. Einnig virðist hafa komið fyrir að sumir hafi misst úr sér þvag yfir myndinni.
„Ég endist varla í hálftíma áður en ég var farinn að margpissa á mig,“ segir til dæmis einn notandi á Twitter.
Þá bætir annar við: „Ég grét úr hræðslu á meðan myndinni stóð… Ég ætla aldrei að horfa á hana aftur.“
Fleiri viðbrögð við myndinni má sjá að neðan.
„Ég er ekki að grínast en ég grét úr ótta á meðan ég horfði á Halloween. Ég er svo mikið smábarn,“
Not even joking i cried from fear watching halloween, such a baby
— Ellie (@hughesyxox) October 21, 2018
Tell me why my ass just cried watching Halloween
— morgs (@M_minic5) October 23, 2018
Nokkur Aaron Singer virtist ekkert kippa sér upp við óhugnaðinn sem myndin hafði upp á að bjóða… þangað til hann var kominn heim.
„Nýja Halloween myndin hræddi mig ekkert á meðan ég horfði á hana. Samt fæ ég martraðir og get ekki sofið. Var tilgangur myndarinnar að hræða úr þér líftóruna þegar þú horfir ekki á hana?“
The new Halloween movie didn’t scare me at all when I saw it, but yet I am having nightmares about it and can’t sleep, was the point of the movie was to scare you when you weren’t watching it
— Aaron Singer (@singerboo21) October 24, 2018
Í nýjustu Halloween myndinni snýr Jamie Lee Curtis aftur sem Laurie Strode, sem nú þarf að horfast í augu við Michael Myers í eitt skiptið enn. Líf hennar hefur verið litað af fundi þeirra fyrir 40 árum síðan, þegar hún slapp naumlega úr klóm hans. Laurie er hins vegar öllu viðbúin að þessu sinni og ætlar aldeilis ekki að láta yfir sig vaða.
En þá er bara að sjá hvernig Íslendingar taka í myndina. Ætli við séum harðari að okkur þegar kemur að hrollvekjum?
