Í dag verður állistamaðurinn Odee með gjörning, sem hann kallar „Odee Street Drop.“

Odee mun fela 25 hólka í miðborginni, hver hólkur inniheldur gjafabréf og þeir sem finna hólkana geta komið með þá í Gallerí Fold fyrir kl. 15 í dag, hitt Odee og fengið áritað listaverk.

Hólkarnir eru eins og áður sagði, 25 talsins og listaverkin því 25, hvert að andvirði 10.000 kr. Heildarverðmæti verkanna sem Odee gefur er 250.000 kr. Verkið sem er í boði heitir Pastel Gore og er eitt af nýjustu verkum Odee. Stærð 35×50 cm.

Vísbendingar verða gefnar á Instagram og Facebook síðum Gallerís Foldar og Odee og sú fyrsta birtist kl. 11.30. Fylgist vel með!

Facebooksíða Odee og Instagram.

Facebooksíða Foldar og Instagram.

Í Gallerí Fold stendur yfir sýning á nýjum verkum Odee, Circulum og stendur hún til 26. ágúst næstkomandi. Verkin eru öll hringlaga og er það í fyrsta sinn sem Odee notar það form.

„Ég fékk hugljómun um að nota hringlaga form, en það opnaði alveg nýja vídd í listsköpuninni fyrir mig. Hugmyndin kviknaði í kjölfar verkefnis sem ég vann fyrir Heilsuvernd. Hvert verk er svipmynd af þeim degi sem það er skapað og öll verkin eru samsettar klippimyndir úr menningu sem hefur haft mótandi áhrif á mig á einn eða annan hátt. Þessar táknmyndir úr menningunni flétta ég saman í skipulagða óreiðu sem ég leik mér sér svo með.

Verkin á sýningunni eru brædd í álplötur í New York með sérstakri tækni. Platan og blekið er hitað upp þannig að blekið umbreytist í gas og smýgur inn í yfirborð álsins. Síðan er verkið húðað með glærri filmu sem verndar bæði og gefur fallega áferð.“