Eins og allir aðdáendur ABBA, og Cher, vita (og mögulega fleiri) leikur söngkonan í Mamma Mia Here We Go Again, sem er önnur kvikmyndin byggð á lögum sænsku hljómsveitarinnar ABBA.
Í myndinni syngur hún lögin Fernando og Super Trouper , en Cher ákvað að gera meira með lög ABBA því þann 28. september kemur út 26. Pplata hennar, Dancing Queen, sem inniheldur ábreiður af lögum sveitarinnar.
Nýjasta ábreiða plötunnar er komin út, lagið One of Us. Lagið er frá 1981 og kom út á síðustu stúdíóplötu ABBA, The Visitors, sem var undir miklum áhrifum af skilnuðum meðlima sveitarinnar.
Áður var Cher búin að gefa út SOS og GIMME! GIMME! GIMME! (A Man After Midnight).
Cher er um þessar mundir á tónleikaferðalagi um Ástralíu og Nýja-Sjáland og byrjar að túra um Bandaríkin í janúar.
