fbpx
Föstudagur 25.apríl 2025
Fókus

Una og Unnur Ösp ræða Dúkkuheimili – Frumsýnt í kvöld

Ragna Gestsdóttir
Föstudaginn 21. september 2018 12:30

Dúkkuheimili, annar hluti

Ekki missa af Helstu tíðindum dagsins í pósthólfið þitt

Lesa nánar

Önnur frumsýning Borgarleikhússins á þessu leikári er í kvöld kl. 20, en þá er Dúkkuheimili, annar hluti sýnt á Nýja sviðinu. Leikritið er eftir bandaríska verðlaunaskáldið Lucas Hnath.

Leikritið er hnyttin rannsókn á samskiptum, hlutverkum kynjanna og ólíkum hugmyndum um ástina, hjónabandið og skuldbindingar. Unnur Ösp Stefánsdóttir og Hilmir Snær Guðnason leika aðalhlutverkin eins og í Dúkkuheimili Ibsens sem sló í gegn í Borgarleikhúsinu ekki alls fyrir löngu.

Sú sýning var margverðlaunuð á Grímunni árið 2015. Í lokasenu leikritsins, sem frumsýnt var í Kaupmannahöfn í desember árið 1879, tekur Nóra Helmer þá afdrifaríku ákvörðun að yfirgefa eiginmann og börn og hefja nýtt líf. Þessi hápunktur verksins – þegar Nóra skellir aftur hurðinni – þeytti evrópsku leikhúsi og samfélagsumræðu inn í nútímann ef svo mætti segja. Í Dúkkuheimili, öðrum hluta, hafa liðið fimmtán ár frá hurðarskellinum fræga. Nú er bankað á þessar sömu dyr – Nóra er snúin aftur.

Dúkkuheimili, 2. hluti, var tilnefnt til 8 Tony-verðlauna árið 2017, meðal annars sem besta leikritið.

Í myndbandinu ræða Una Þorleifsdóttir, leikstjóri, og Unnur Ösp Stefánsdóttir, leikkona, um verkið.

Í kvöld er leikritið einnig frumsýnt í Borgarleikhúsinu í Stokkhólmi. Það er evrópufrumsýning leikritsins, einungis þremur klukkustundum áður en það er frumsýnt í Borgarleikhúsinu í Reykjavík.

Auk þeirra Hilmis Snæs og Unnar Aspar leika Ebba Katrín Finnsdóttir og Margrét Helga Jóhannsdóttir í sýningunni. Salka Guðmundsdóttir þýddi á íslensku. Leikstjóri er Una Þorleifsdóttir, Börkur Jónsson sér um leikmynd, Stefanía Adolfsdóttir um búninga, Björn Bergsteinn Guðmundsson lýsir, Una Sveinbjarnardóttir semur tónlist, Sveinbjörg Þórhallsdóttir er danshöfundur, Guðbjörg Ívarsdóttir sér um leikgervi og Garðar Borgþórsson annast hljóð.

Nánari upplýsingar um sýninguna má finna hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Drakk aðeins próteindrykki í 7 daga – Áhrifin komu honum í opna skjöldu

Drakk aðeins próteindrykki í 7 daga – Áhrifin komu honum í opna skjöldu
Fókus
Fyrir 2 dögum

Þórhildur opnar sig um erfið sambandsslit – „Ég var týnd þegar það byrjaði að flosna upp úr sambandinu“

Þórhildur opnar sig um erfið sambandsslit – „Ég var týnd þegar það byrjaði að flosna upp úr sambandinu“
Fókus
Fyrir 5 dögum

„Ég þrái að fólkið upplifi ekki að það sé ósýnilegt, að það skynji að við virkilega sjáum það“

„Ég þrái að fólkið upplifi ekki að það sé ósýnilegt, að það skynji að við virkilega sjáum það“
Fókus
Fyrir 5 dögum

Skilaboð Ragnhildar til þeirra sem sýna trans fólki fordóma

Skilaboð Ragnhildar til þeirra sem sýna trans fólki fordóma
Fókus
Fyrir 1 viku

Hversu vel þekkirðu Sódóma Reykjavík?

Hversu vel þekkirðu Sódóma Reykjavík?
Fókus
Fyrir 1 viku

Draslið hans Elon Musk á ekki roð í þetta

Draslið hans Elon Musk á ekki roð í þetta