Nýjasta kvikmynd leikstjórans og handritshöfundarins Baldvins Z, Lof mér að falla, er væntanleg í byrjun hausts og verður fróðlegt að sjá hvernig tekst til með þetta hádramatíska verk sem er byggt á sönnum atburðum.

Myndin segir frá hinni fimmtán ára Magneu (Elín Sif Halldórsdóttir), sem kynnist Stellu (Eyrún Björk Jakobsdóttir), sem er átján ára, og þróar sterkar tilfinningar til hennar. Stella notfærir sér þetta og leiðir Magneu inn í grimman heim sem tekur toll af þeim báðum. Sagan gerist yfir margra ára skeið og gengur út á örlagarík uppgjör, minningar og kaldan veruleika fíkninnar og aðstandenda ungmenna í neyslu.

Leikstjórinn birti á dögunum glænýjar stillur úr kvikmyndinni, en þær má sjá að neðan ásamt stiklu fyrir myndina.

Þungt hugsi Eyrún Björk í sínu fyrsta kvikmyndahlutverki. Þetta er hin átján ára og óttalausa Stella sem Magnea heillast að.

Kristín Þóra Haraldsdóttir hefur átt frábært ár í ár með myndum eins og Andið eðlilega og Vargi. Í Lof mér að falla fer hún með átakanlegt hlutverk Magneu á fullorðinsárunum.

Magnea komin í krappan dans.

Sveinn Ólafur Gunnarsson og Sólveig Guðmundsdóttir leika fósturforeldra Magneu.

Dóri DNA á aðfangadagskvöldi.

Sveinn Ólafur alvörugefinn.

Þorsteinn Bachmann hefur látið vel um sig fara í kvikmyndum Baldvins. Hér leikur hann Hannes, föður Magneu.

S’olveig Arnarsdóttir með áhyggjufullan svip sem móðir Magneu. Eðlilega.

Lára Jóhanna Jónsdóttir leikur Stellu á eldri árum.

Sturla Atlas með eitthvað ráðabrugg sem hinn skuggalegi Toni.

Annar Mínus-bróðurinn, Björn Stefánsson, í hlutverki Hreggós. Vafasöm fígúra, mætti segja.

Atli Óskar Fjalarsson á djamminu með Mínus-bræðrum, Bjössa og Þresti.

Atli leikur karakter sem ber nafnið Atli. Þó er gott að taka fram að leikarinn leikur alls ekki sjálfan sig.

Þegar hatturinn er kominn á, þá byrjar partíið.