Glæný stikla er lent fyrir teiknimyndina Spider-Man: Into the Spider-Verse ogeta aðdáendur persónunnar Miles Morales glaðst yfir því að sjá hann á hvíta tjaldinu í desember. Miles býr yfir sérstökum kröftum og axlar sér ábyrgð Köngulóarmannsins í glænýjum búningi í þessum hluta Marvel-víddarinnar.
Í sögunni kynnist Miles hinum eina sanna Peter Parker og kemst í krappann dans við illmennin Green Goblin, Kingpin og The Prowler sem, samkvæmt myndasögunum, er frændi Miles.
Það er leikarinn Shameik Moore úr sjónvarpsþáttunum The Get Down sem ljáir Morales rödd sína í teiknimyndinni, en á meðal fleiri raddleikara myndarinnar eru Liev Schreiber, Hailee Steinfeld, Mahershala Ali og Jake Johnson.
Myndin verður sýnd hér á landi með bæði ensku og íslensku tali.
Nýja sýnishornið má sjá að neðan.
Hér að neðan má sjá sömu stiklu með íslensku tali.
