Aðalhlutverk myndarinnar er í höndum leikkonunnar Shailene Woodley og í gær var þessi skemmtilega mynd tekin þegar vinkonur hennar og samstarfskonur í sjónvarpsþáttunum Big Little Lies mættu á sýningu myndarinnar.
Zoe Isabella Kravitz, Reese Witherspoon, Laura Dern og Shailene Woodley.
„Þvílíkt kvöld,“ segir Reese Witherspoon á Instagram. „Adrift gerði mig orðlausa. Þessi magnaða sanna saga, ég sat á sætisbrúninni og hvatti Shailene og Sam áfram þar sem þau eru úti á reginhafi bjargarlaus. Shailene er gjörsamlega mögnuð í sjaldséðu hlutverki konu gegn náttúruöflunum. Þú verður að sjá þessa mynd.“
Tökur á annarri seríu af Big Little Lies standa nú yfir, en fyrri/fyrsta þáttaröðin sló í gegn bæði hjá aðdáendum og gagnrýnendum og vann meðal annars átta Emmy verðlaun og fern Golden Globe verðlaun. Upphaflega átti aðeins að vera um staka sex þátta þáttaröð að ræða, en vegna vinsælda var ákveðið að taka upp aðra þáttaröð sem innihalda mun sjö þætti og kemur hún í sýningu árið 2019.
En þrátt fyrir annríki er alltaf tími til að mæta og styðja vini sína.
