fbpx
Föstudagur 25.apríl 2025

Megas byrjar stofutónleikaröð á Gljúfrasteini

Ragna Gestsdóttir
Mánudaginn 28. maí 2018 15:30

Ekki missa af Helstu tíðindum dagsins í pósthólfið þitt

Lesa nánar

Stofutónleikaröð Gljúfrasteins hefst að nýju sunnudaginn 3. júní næstkomandi, en þá spilar sjálfur meistari Megas í fyrsta sinn í stofu skáldsins.

Gljúfrasteinn, heimili nóbelskáldsins Halldórs Laxness, var mikið tónlistarheimili en ýmsir heimsþekktir tónlistarmenn héldu þar tónleika auk þess sem Halldór sjálfur var prýðilegur píanóleikari og mikill tónlistarunnandi.

Stofutónleikar hafa verið haldnir á Gljúfrasteini frá því sumarið 2006 og eru þeir orðnir 158 talsins þar sem samtals 331 tónlistarmaður hefur komið fram.

Tónleikarnir fara fram hvern sunnudag frá byrjun júní til loka ágúst og hefjast kl. 16. Miðaverð er 2500 krónur og er það greitt í móttöku safnsins.

Valdís Þorkelsdóttir, tónlistarkona og starfskona á Gljúfrasteini sá um að setja saman fjölbreytta dagskrá fyrir sumarið í ár sem samanstendur af 13 tónleikum með helstu kanónum í íslensku tónlistarlífi.

Dagskrá stofutónleikaraðarinnar 2018:

JÚNÍ

3. júní  Megas og Kristinn H. Árnason gítarleikari leiða saman hesta sína á Sjómannadaginn.
10. júní Teitur Magnússon & Æðisgengið bjóða upp á laufléttan og hressandi bræðing sumarslagara og þjóðlegra notalegheita.
17. júní Ari Bragi Kárason trompet og Eyþór Gunnarsson píanó láta laglínu og spuna leiðast í harmóníu út í óvissuna á sjálfan þjóðhátíðardag Íslendinga.
24. júní Umbra Ensemble flytur nýja og forna tónlist í eigin útsetningum.

JÚLÍ

1. júlí Stórsöngvarinn Kristinn Sigmundsson og Anna Guðný Guðmundsdóttir píanó flytja íslensk og erlend sönglög.
8. júlí Ragnhildur Gísladóttir og Björgvin Gíslason koma fram með söng og leik á snittubassa og sítar.
15. júlí Þær Bjartey og Gígja í hljómsveitinni Ylju leika sín uppáhalds íslensku þjóðlög í nýjum útsetningum.
22. júlí Hamrahlíðarkórinn undir stjórn Þorgerðar Ingólfsdóttur flytur lög við ljóð Halldórs Laxness.
29. júlí Diddú heiðrar minningu Auðar Laxness, húsfreyjunnar á Gljúfrasteini  í tilefni af 100 ára afmæli hennar. Undirleikur verður í höndum Helgu Bryndísar Magnúsdóttur.

ÁGÚST

5. ágúst  Vísur og skvísur flytja íslensk og skandinavísk vísnalög þar sem texti og tilfinning mætir hljómþýðum laglínum.
12. ágúst Strákarnir í Pollapönki verða með fjöruga barnaskemmtun.
19. ágúst Bryndís Halla leikur sellósvítur J.S.Bach.
26. ágúst Bjarni Frímann Bjarnason blaðar í nótnasafni Halldórs Laxness og flytur úrval verka á flygil skáldsins.

Fylgjast má með öllum viðburðum á Facebooksíðu Gljúfrasteins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 6 klukkutímum

Stuðningsmenn United fá mikil gleðitíðindi

Stuðningsmenn United fá mikil gleðitíðindi
Fréttir
Fyrir 6 klukkutímum

Óhugnaður í Urriðaholti: Hafliði hrakti húsbrotsmenn á flótta

Óhugnaður í Urriðaholti: Hafliði hrakti húsbrotsmenn á flótta
Fókus
Fyrir 8 klukkutímum

Afhjúpar dularfullu skilaboðin sem voru upphafið að óvæntu ástarsambandi

Afhjúpar dularfullu skilaboðin sem voru upphafið að óvæntu ástarsambandi
Fréttir
Fyrir 9 klukkutímum

Harmleikurinn í Garðabæ: Margrét sögð játa að hafa beitt foreldra sína ofbeldi

Harmleikurinn í Garðabæ: Margrét sögð játa að hafa beitt foreldra sína ofbeldi
Fréttir
Fyrir 10 klukkutímum

Jóni ofboðið og segir að nútíminn taki sér refsi­vald yfir hinum dauðu

Jóni ofboðið og segir að nútíminn taki sér refsi­vald yfir hinum dauðu
433Sport
Fyrir 10 klukkutímum

Óvæntar kjaftasögur á kreiki um stjörnuna

Óvæntar kjaftasögur á kreiki um stjörnuna