fbpx
Laugardagur 05.apríl 2025

Baltasar Kormákur leikstýrir bandarískri njósnamynd

Tómas Valgeirsson
Föstudaginn 25. maí 2018 10:54

Ekki missa af Helstu tíðindum dagsins í pósthólfið þitt

Lesa nánar

Baltasar Kormákur mun leikstýra njósnadramanu The Good Spy, byggt á samnefndri bók eftir Pulitzer-verðlaunahafann Kai Bird, ef marka má nýuppfærða IMDb-síðu myndarinnar. Ekki náðist í Baltasar til að bera þessar upplýsingar undir hann.

The Good Spy er samstarfsverkefni framleiðslufyrirtækjanna Image Nation og Working Title. Á meðal framleiðenda myndarinnar er Evan Hayes og hafa þeir Baltasar áður unnið saman að kvikmyndunum Contraband og Everest.

Myndin er byggð á sannsögulegum atburðum og segir frá lífi CIA-leyniþjónustumannsins Robert Ames á tímum kalda stríðsins og tilraunum hans til þess að efla tengsl Bandaríkjanna við Miðausturlöndin. Ames bjó yfir þeim hæfileika að geta myndað einlæg tengsl við fólk í starfi með því að skoða sameiginleg gildi á meðan margir kollegar hans gripu til hótana og blekkingarleikja. Ames lést árið 1983 í sprengjuárás fyrir utan Bandaríska sendiráðið í Beirút.

Nesbø á ís

Rithöfundur bókarinnar var nágranni Ames á æskuárunum og kynntist honum 12 ára gamall. Bókin var rituð upp eftir ýmsum frásögnum frá ekkju Ames og hundruðum bréfa sem leyniþjónustumaðurinn skrifaði henni. Bird er ráðgjafi kvikmyndaaðlöguninnar en F. Scott Frazier skrifar handritið og skrifaði meðal annars hasarmyndina xXx: Return of Xander Cage.

Baltasar hefur verið orðaður við ýmsar erlendar kvikmyndir á síðustu misserum. Á meðal þeirra er spennusagan I Am Victor, byggð á metsölubók eftir Jo Nesbø. Hefur leikstjórinn einnig verið orðaður við kvikmyndina Reykjavík í framleiðslu Ridley Scott og fjallar um leiðtogafund Ronald Reagan, forseta Bandaríkjanna og Michael Gorbachev, leiðtoga Sovétríkjanna, sem fram fór í Höfða árið 1986.

Samkvæmt heimildum eru þessi verkefni sett á ís á meðan forvinnsla er hafin á The Good Spy og þykir líklegt að ráðningar leikara fari fram á næstunni.

Nýjasta mynd Baltasars, Adrift, var frumsýnd á dögunum í Los Angeles við góðar viðtökur og er væntanleg til Íslands 13. júní.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 13 klukkutímum

Spá fyrir Bestu deildina – 3. sæti: „Ef menn þjappa sig ekki saman og mæta trítilóðir eiga þeir ekki að vera í keppnisíþróttum“

Spá fyrir Bestu deildina – 3. sæti: „Ef menn þjappa sig ekki saman og mæta trítilóðir eiga þeir ekki að vera í keppnisíþróttum“
Pressan
Fyrir 13 klukkutímum

Vísindamenn segja að tímaferðalög séu möguleg og að fólk hafi nú þegar farið í tímaferðalög

Vísindamenn segja að tímaferðalög séu möguleg og að fólk hafi nú þegar farið í tímaferðalög
433Sport
Fyrir 15 klukkutímum

Spá fyrir Bestu deildina – 4. sæti: Jökull haldið spilunum þétt að sér

Spá fyrir Bestu deildina – 4. sæti: Jökull haldið spilunum þétt að sér
Pressan
Fyrir 15 klukkutímum

Fór inn á kvennaklósett og var handtekin

Fór inn á kvennaklósett og var handtekin
Fréttir
Fyrir 17 klukkutímum

Földu dóp í björgunarsveitarhúsi

Földu dóp í björgunarsveitarhúsi
433Sport
Fyrir 17 klukkutímum

Nistelrooy refsaði leikmanni sem neitar að hætta að keyra 320 kílómetra á dag

Nistelrooy refsaði leikmanni sem neitar að hætta að keyra 320 kílómetra á dag
433Sport
Fyrir 18 klukkutímum

Leverkusen ætlar að kaupa markvörð City í sumar

Leverkusen ætlar að kaupa markvörð City í sumar
433Sport
Fyrir 19 klukkutímum

Ford Fantasy leikur Bestu deildarinnar er kominn í loftið

Ford Fantasy leikur Bestu deildarinnar er kominn í loftið