fbpx
Sunnudagur 27.apríl 2025

„Ástin parar oft saman furðulegustu sokkategundir“

Bókadómur: Um lífsspeki ABBA & Tolteka (Eða líf mitt sem Olof Palme)

Ragna Gestsdóttir
Laugardaginn 9. desember 2017 15:30

Ekki missa af Helstu tíðindum dagsins í pósthólfið þitt

Lesa nánar

Ástin, og tilraunir okkar til að finna hana, ná henni og halda, hefur verið yrkisefni aragrúa bóka frá því maðurinn fór að stinga niður penna. Í frumraun sinni skrifar hinn 24 ára gamli Adolf Smári sögu þriggja vina sem leita að ástinni um leið og þeir brjóta heilann um lífið og tilveruna.

Sögusviðið er Reykjavík samtímans og staðirnir eru kunnuglegir: Hornið, Húrra, Hallgrímskirkja, Menntaskólinn í Reykjavík, svo fáir séu nefndir. Sögupersónurnar eru Tómas, Máni og D og konurnar sem þeir verða ástfangnir af. Adolf Smári segir sögu þeirra og fer á flug í hugleiðingum, sumum svo nákvæmum að manni finnst nóg um í bók sem maður taldi létta pælingu um ástina, lífið og tilveruna.

Aðstæðurnar eru flestar kunnuglegar, því flest höfum við verið í sömu eða svipuðum aðstæðum: ástfangin, hryggbrotin, velt endalaust fyrir okkur merkingu þess sem hann/hún sagði, gerði eða lét ósagt eða ógert og þar fram eftir götunum. Mörg okkar hafa líka brugðist við eins og Tómas, en í hvert einasta skipti sem lífið (eða réttara sagt síðasta kærasta) kemur illa fram við Tómas finnur hann sér nýtt áhugamál.

Bókin er áhugaverð og fersk frumraun, þar sem Adolf Smári vitnar í Milan Kundera og Makbeð jafnt sem ABBA og Taylor Swift.

Bókin er áhugaverð og fersk frumraun, þar sem Adolf Smári vitnar í Milan Kundera og Makbeð jafnt sem ABBA og Taylor Swift. Textinn flæðir vel áfram og Adolf Smári er orðheppinn og naskur og húmorinn skín oft vel í gegn í setningum eins og: „Ástin parar oft saman furðulegustu sokkategundir og þau voru sko ekki sama sortin, hvað þá flíkin ef út í það er farið.“

Kápan er falleg og titillinn langur og forvitnilegur. Líklegt er líka að bókin muni rata í ófáa jólapakka.

Í lagi ABBA tekur sigurvegarinn allt og taparinn fallið, hér á það þó ekki alls kostar við. Bókin er vissulega áhugaverð og öðruvísi frumraun ungs höfundar, þrátt fyrir of háfleygar pælingar á köflum. Adolf Smári á verðlaun skilin fyrir ferska frumraun, en sigursætið mun hann ekki taka núna, heldur með næstu bók eða þar næstu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 7 klukkutímum

Amma og eins árs barnabarn slösuðust þegar fjölskylduhundurinn varð fyrir árás – „Mamma sýndi ótrúlega dirfsku í ólýsandi aðstæðum“

Amma og eins árs barnabarn slösuðust þegar fjölskylduhundurinn varð fyrir árás – „Mamma sýndi ótrúlega dirfsku í ólýsandi aðstæðum“
433Sport
Fyrir 8 klukkutímum

Sjáðu magnað sigurmark Brighton gegn West Ham

Sjáðu magnað sigurmark Brighton gegn West Ham
433Sport
Fyrir 9 klukkutímum

Óvænt á leið í Meistaradeildina og vilja fá stórt nafn í sumar

Óvænt á leið í Meistaradeildina og vilja fá stórt nafn í sumar
Pressan
Fyrir 10 klukkutímum

Það þarf að þvo hana daglega – Svona gerir þú hana almennilega hreina

Það þarf að þvo hana daglega – Svona gerir þú hana almennilega hreina
433Sport
Fyrir 12 klukkutímum

Skrifar líklega undir nýjan samning en er fáanlegur fyrir óvenju litla upphæð

Skrifar líklega undir nýjan samning en er fáanlegur fyrir óvenju litla upphæð
433Sport
Fyrir 12 klukkutímum

Miður sín í nokkra mánuði eftir skilnaðinn: Sambandið ekki endilega á endastöð – ,,Þau voru saman í þrjár nætur“

Miður sín í nokkra mánuði eftir skilnaðinn: Sambandið ekki endilega á endastöð – ,,Þau voru saman í þrjár nætur“
433Sport
Fyrir 14 klukkutímum

Telur að Víkingar mæti með peningaupphæðir sem ekki er hægt að hafna

Telur að Víkingar mæti með peningaupphæðir sem ekki er hægt að hafna
Fréttir
Fyrir 14 klukkutímum

Ferill Þorsteins er litaður gjaldþrotum og skattsvikum – Félag hans hlaut stærsta niðurrifsverkefni Íslandssögunnar

Ferill Þorsteins er litaður gjaldþrotum og skattsvikum – Félag hans hlaut stærsta niðurrifsverkefni Íslandssögunnar