Breska ríkisútvarpið, BBC, stóð nýlega fyrir valinu á hundrað bestu gamanmyndum sögunnar. Óhætt er að segja að á listanum kenni ýmissa grasa en að valinu komu 253 kvikmyndagagnrýnendur; 118 konur og 135 karlar frá 52 löndum.
Gagnrýnendurnir voru beðnir um að svara einfaldri spurningu um tíu bestu gamanmyndir sögunnar að þeirra mati. Niðurstöðurnar komu nokkuð á óvart, ef marka má greinarhöfund BBC, því aðeins þrjár myndir af þeim hundrað sem voru valdar voru gerðar á 21. öldinni. The Legend of Ron Burgundy (í 33. sæti) var í efsta sæti af þeim myndum sem framleiddar voru á 21. öldinni. The Hangover var í 98. sæti og Zoolander í 88. sæti.
Hér má sjá 10 efstu myndirnar í vali BBC. Neðst er svo hlekkur á allan listann.
10.) The General – 1926
9.) This is Spinal Tap – 1984
8.) Playtime – 1967
7.) Airplane! – 1980
6.) Life of Brian – 1979
5.) Duck Soup – 1933
4.) Groundhog Day – 1993
3.) Annie Hall – 1977
2.) Dr. Strangelove or: How I Learned to Stop Worrying and Love the Bomb – 1964
1.) Some Like It Hot – 1959
