Leikarinn Martin Landau lést nýlega, 89 ára að aldri. Hann hlaut Óskarscverðlaun árið 1994 fyrir túlkun sína á hryllingsmyndaleikaranum Bela Lugosi í kvikmyndinni Ed Wood og hlaut einnig Golden Globe og Screen Actors Guild verðlaunin fyrir þetta sama hlutverk.
Sautján ára gamall varð Landau teiknimyndateiknari hjá New York Daily News, en hætti fimm árum síðar til að snúa sér að kvikmyndaleik. Árið 1955 sótti hann um inngöngu í leiklistarskóla Lee Strasberg og hann og Steve McQuenn voru einu nýliðarnir af rúmlega 2000 umsækjendum sem fengu samþykki það árið.
Laundau lék á sviði og árið 1959 vakti hann athygli fyrir leik sinn í einni af bestu myndum Alfred Hitchcock, North by Northwest þar sem hann lék af mikilli snilld illmenni sem er á hælunum á Cary Grant og Evu Marie Saint. Hann lék í nokkur ár í sjónvarpsþáttunum Mission Impossible, og vann til Golden Globe verðlauna. Hlutverk hans voru mörg minnisstæð og má þar nefna leik hans í mynd Woody Allen, Crimes and Misdemeanors, þar sem hann lék mann sem lætur drepa ástkonu sína þegar honum finnst hún verða orðin til leiðinda. Hann var tilnefndur til óskarsverðlauna fyrir leik sinn.
Á sínum tíma hafnaði hann hlutverki dr Spock í Star Trek sjónvarpsþáttunum,. Hann sagði að það hefði orðið kvöl og pína fyrir sig að leika það hlutverk. „Hver vill leika mann sem talar ætíð í sömu tóntegund, kemst aldrei í uppnám, fær aldrei sektarkennd og er aldrei hræddur?“ sagði hann. Vinur hans Leonard Nimoy tók að sér hlutverkið og varð heimsfrægur.
Laundau var kvæntur leikkonunni Barböru Bain á árunum 1957-1993 en þau skildu. Þau eignuðustu tvær dætur. Um þessar mundir er unnið er að gerð heimildamyndar um Landau.
