fbpx
Miðvikudagur 05.febrúar 2025
Fókus

Úr smiðju Nesbø

Hérnám er áhugaverður spennuþáttur

Kolbrún Bergþórsdóttir
Föstudaginn 15. apríl 2016 15:45

Ekki missa af Helstu tíðindum dagsins í pósthólfið þitt

Lesa nánar

Fáir komast með tærnar þar sem norski glæpasagnahöfundurinn Jo Nesbø hefur hælana. Nesbø er ekki vanur að bregðast þegar kemur að því að búa til áhugaverða sögu með eftirminnilegum persónum og skapa spennu. Hann er í algjörum sérflokki þegar kemur að glæpasagnahöfundum Evrópu. Það var því með nokkurri eftirvæntingu sem maður settist fyrir framan sjónvarpið síðastliðið þriðjudagskvöld til að fylgjast með norska spennuþættinum Hernám en Nesbø er hugmyndasmiður þáttanna og það eitt og sér hljóta að teljast meðmæli. Þættirnir eru tíu og eigi að marka fyrsta þátt þá er hér afbragðsefni á ferð.

Hugmyndin er sannarlega góð. Noregur hættir olíu- og gasframleiðslu úr Norðursjónum í verndunarskyni en Rússar reyna að neyða Norðmenn til að hefja vinnslu að nýju. Þar svífast Rússarnir einskis og eru greinilega í miklu stuði. Í fyrsta þætti rændu þeir norska forsætisráðherranum en skiluðu honum aftur eftir að hafa hótað honum. Lögreglumaður, sem heitir því fallega nafni Djupvik, kemur forsætisráðherranum til hjálpar. Blaðamaður finnur lykt af stórfrétt og reynir að komast á sporið en gengur illa.

Þáttur sem byrjar svona vel getur varla klikkað. Þetta mun vera dýrasti sjónvarpsþáttur sem Norðmenn hafa framleitt þannig að mikið er í hann lagt. Hann hefur verið seldur til fjölmargra landa. Ekki veit ég hvort hann hefur verið seldur til Rússlands, finnst það reyndar ólíklegt miðað við að Rússarnir eru þar vondu mennirnir. Rússneski forsetinn í fyrsta þættinum minnti mjög á Pútín og virtist sannarlega ekki vera neinn gæðagæi.

Það verður fróðlegt að fylgjast með framvindunni í Hernámi. Spennan er örugglega bara rétt að byrja.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Móa sendir frá sér nýtt lag

Móa sendir frá sér nýtt lag
Fókus
Fyrir 2 dögum

Varalesari afhjúpar hvað Kanye sagði við hana rétt áður en hún afklæddist – „Hún lítur út fyrir að vera skelfingu lostin“

Varalesari afhjúpar hvað Kanye sagði við hana rétt áður en hún afklæddist – „Hún lítur út fyrir að vera skelfingu lostin“
Fókus
Fyrir 3 dögum

„Helgarhjónabönd“ farin að ryðja sér til rúms – Búa einn og hitta makann bara af og til

„Helgarhjónabönd“ farin að ryðja sér til rúms – Búa einn og hitta makann bara af og til
Fókus
Fyrir 3 dögum

Fann fyrir frelsi eftir fund með árásarmanni sínum – „Litirnir sem voru gráir, þungir og ógeðslegir eru orðnir bjartir“

Fann fyrir frelsi eftir fund með árásarmanni sínum – „Litirnir sem voru gráir, þungir og ógeðslegir eru orðnir bjartir“
Fókus
Fyrir 4 dögum

Stebbi JAK gerir upp árásina: „Það voru allavegana tólf manns sem voru að reyna að valda mér skaða og náðu því töluvert“

Stebbi JAK gerir upp árásina: „Það voru allavegana tólf manns sem voru að reyna að valda mér skaða og náðu því töluvert“