fbpx
Föstudagur 08.nóvember 2024
Fókus

Engar minningar

RÚV sýnir áhrifamikla mynd um alzheimer

Kolbrún Bergþórsdóttir
Miðvikudaginn 30. mars 2016 06:00

Ekki missa af Helstu tíðindum dagsins í pósthólfið þitt

Lesa nánar

RÚV sýnir í kvöld (miðvikudagskvöld) heimildamynd um alzheimer, sjúkdóm sem við óttumst mörg að fá og viljum gefa mikið til að ekki hremmi okkur, jafn skelfilegur og hann er. Páll Magnússon og Jón Gústafsson eru höfundar myndarinnar og Páll er þar í rannsóknarhlutverki, fer á vettvang og tekur viðtöl.

Þar sem sú sem þetta skrifar hefur séð myndina þá getur hún mælt með henni. Myndin er bæði fróðleg og áhrifamikil. Það er kúnst að koma upplýsingum sem snúast um heilastarfsemi og tölur til skila þannig að eftir sé tekið, en það tekst þarna með grafík sem er afar skemmtilega sett fram.

Mynd sem fjallar um alzheimer hlýtur að fjalla um manneskjur og grimm örlög. Þarna er rætt stuttlega við konu sem 48 ára gömul var greind með alzheimer. Skyndilega brestur hún í svo sáran grát að áhorfandinn finnur til. Þetta er sláandi atriði. En þarna eru líka gleðilegar stundir eins og viðtal við elsta Íslendinginn, 107 ára gamlan mann frá Stykkishólmi. Hann er ansi hress miðað við aldur og minnisgóður. Hann er einn af þeim heppnu. Enn einn viðmælandi Páls er sjónvarpskonan Sally Magnusson sem skrifaði merkilega bók um móður sína sem varð alzheimer að bráð. Viðtalið er skemmtilegt og hressandi, þrátt fyrir drungalegt efni því Sally er einstaklega lífsglöð og sjarmerandi kona. Hún hefur mikla trú á mætti tónlistar til að auka lífsgæði alzheimerssjúklinga. Í myndinni sjáum við alzheimerssjúklinga og aðstandendur þeirra syngja saman og þá er ekki annað hægt en að trúa á sameiningartöfra tónlistarinnar.

Fjallar um alzheimer í áhrifamikilli heimildamynd.
Páll Magnússon Fjallar um alzheimer í áhrifamikilli heimildamynd.

Í þættinum fer Páll Magnússon í minnispróf. Það er framkvæmt þannig að áhorfandinn er í sömu sporum og Páll og getur varla annað en tekið prófið á sjálfum sér. Þeirri sem þetta skrifar fannst sagan sem Páll átti að leggja á minnið ekki nægilega áhugaverð, saga með sprungnu afturdekki og sölumanni er ekki eitthvað sem maður nennir að leggja á minnið. Þannig fyrirgefst manni sennilega fyrir að hafa ekki náð sama árangri í prófinu og Páll. Ef þetta hefði verið rithöfundur sem hefði farið á Borgarbókasafnið til að fá lánaða innbundna skáldsögu eftir Hemingway sem ekki hefði verið til og í staðinn tekið skáldsögu eftir Camus þá hefði maður engu gleymt.

Myndin endar á umfjöllun um leit vísindamanna að lækningu við alzheimer. Í þeirri leit mega menn ekki gefa eftir. Það er dapurlegt hlutskipti að glata minningum og geta ekki fundið hugsunum sínum orð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Hæð Barron Trump vekur athygli – 18 ára og kominn vel yfir tvo metrana

Hæð Barron Trump vekur athygli – 18 ára og kominn vel yfir tvo metrana
Fókus
Í gær

Sjö ára martröð: Kúguð til kynferðislegra greiða – Fékk áfall þegar hún komst að því hver var sökudólgurinn

Sjö ára martröð: Kúguð til kynferðislegra greiða – Fékk áfall þegar hún komst að því hver var sökudólgurinn
Fókus
Fyrir 2 dögum

Ólétt Gypsy Rose afhjúpar niðurstöður faðernisprófs eftir miklar vangaveltur

Ólétt Gypsy Rose afhjúpar niðurstöður faðernisprófs eftir miklar vangaveltur
Fókus
Fyrir 2 dögum

Segist ekki vera kynferðislegt rándýr en 16 þúsund manns eru ósammála

Segist ekki vera kynferðislegt rándýr en 16 þúsund manns eru ósammála
Fókus
Fyrir 3 dögum

„Jólin eru ekki komin fyrr en ég fæ karamellutússuna mína“ – Skilur þú hvað Jógvan er að segja?

„Jólin eru ekki komin fyrr en ég fæ karamellutússuna mína“ – Skilur þú hvað Jógvan er að segja?
Fókus
Fyrir 3 dögum

Allt fór vel eftir áhættumeðgöngu – „Fullkominn lítill drengur“

Allt fór vel eftir áhættumeðgöngu – „Fullkominn lítill drengur“