Dwayne „The Rock“ Johnson er launahæsti karlleikari heims. Vöðfafjallið, sem leikir hefur í fjölmörgum vinsælum kvikmyndum og þáttum á undanförnum árum, þénaði 64,5 milljónir Bandaríkjadala á síðasta ári. Það er upphæð sem samsvarar um 7,5 milljörðum króna.

Forbes hefur tekið saman lista yfir tekjuhæsta fólkið í skemmtanabransanum og engin undantekning var gerð þar á í ár. Robert Downey Jr. hefur verið á toppi listans undanfarin ár en hann situr í 8. sæti listans að þessu sinni.

Athygli vekur að Jackie Chan, sem margir muna eftir úr Hollywood-hasarmyndum í kringum aldamótin, er í 2. Sæti en á undanförnum árum hefur hann einbeitt sér að kvikmyndaleik í Kína, en Chan er fæddur í Hong Kong og er enn í fullu fjöri þrátt að vera kominn á sjötugsaldur.

Þá eru tveir leikarar úr Bollywood á topp 10 listanum, annars vegar Shah Rukh Kahn og hins vegar Akshay Kumar

Hér að neðan gefur að líta yfirlit yfir hæst launuðu karlleikara heims, en talan á eftir nafninu gefur til kynna tekjur á síðasta ári í milljónum Bandaríkjadala.

1. Dwayne „The Rock“ Johnson – 64,5

2. Jackie Chan – 61

3. Matt Damon – 55

4. Tom Cruise – 53

5. Johnny Depp – 48

6. Ben Affleck – 43

7. Vin Diesel – 35

8.-9. Shah Rukh Kahn – 33

8.-9. Robert Downey Jr. – 33

10.-11. Akshay Kumar – 31,5

10.-11. Brad Pitt – 31,5