Julian Fellowes, höfundur Downton Abbey, hefur ekki setið auðum höndum síðan þáttaröðinni vinsælu lauk. Í Bretlandi eru hafnar sýningar á nýrri sjónvarpsmynd í þremur hlutum þar sem hann er handritshöfundur. Sjónvarpsmyndin nefnist Dr. Thorne og er byggð er á vinsælli skáldsögu eftir Anthony Trollope. Hér er vitaskuld um að ræða búningadrama þar sem ást og peningar koma mjög við sögu. Leikarinn Tom Hollander er í aðalhlutverki og þykir standa sig vel sem og aðrir leikarar. Fyrsti þáttur hefur þegar verið sýndur og umfjöllun hefur verið mikil og jákvæð.