Áhrifavaldurinn og athafnakonan Manuela Ósk Harðardóttir hefur mikið verið á faraldsfæti undanfarið sökum vinnu sinnar en um síðustu helgi sást hún yfirgefa landið í samstarfi við Base Parking og það í heldur óvæntum félagsskap. Samkvæmisdansarinn Jón Eyþór Gottskálksson var með í för en parið leiðir saman hesta sína í sjónvarpsþáttunum Allir geta dansað sem sýndir verða á Stöð 2 innan skamms.

Bæði eru þau Jón Eyþór og Manuela með opna Instagram-reikninga þar sem þau leyfðu fylgjendum sínum að fylgjast með þeim njóta lífsins í London og fór vel á með þeim. Meðal annars lýsti Jón Eyþór því yfir að honum þætti Manuela fullkomin í alla staði.

Hvort um sjálfskipaða æfingaferð er að ræða er ekki ljóst á þessari stundu en samkvæmt heimildum DV hefur djúpur vinskapur myndast hjá parinu og mætti í kjölfarið leiða að því líkur að þau séu jafnvel meira en bara vinir. Manuela hefur um langa hríð verið talin ein eftirsóttasta, einhleypa kona landsins og óskum við við Jóni Eyþóri hjartanlega til hamingju hafi hann hreppt hnossið.