Talað var um brúðkaup aldarinnar árið 2005 þegar Logi Bergmann Eiðsson og Svanhildur Hólm Valsdóttir létu pússa sig saman. Hafa þau síðan eignast tvær dætur en fyrir áttu þau samanlagt fimm börn úr fyrri samböndum.

Hin nýgiftu hjón voru þá á meðal vinsælasta sjónvarpsfólks landsins. Þau kynntust þegar þau störfuðu saman í spurningaþættinum Gettu betur. Logi var þá spyrill og Svanhildur stigavörður.

Logi hóf fjölmiðlaferilinn á Þjóðviljanum en varð síðan fréttaþulur og þáttagerðarmaður hjá Stöð 2. Fyrir skemmstu söðlaði hann um og hóf störf hjá K100, útvarpi Morgunblaðsins.

Svanhildur starfaði í Kastljósinu hjá RÚV og síðar í Íslandi í dag á Stöð 2. Undanfarin ár hefur hún verið aðstoðarmaður Bjarna Benediktssonar fjármálaráðherra.

Stjörnufans og lúxus hefur einkennt líf stjörnuparsins, hvort sem það er í golfferðum eða með sjálfi Opruh Winfrey.

Logi og Svanhildur eiga tvær hæðir af þremur í fallegu húsi í Vesturbænum. Þangað fluttu þau árið 2006.

Heimili:

Melhagi 16

199,6 fm

Fasteignamat: 94.250.000 kr

Logi Bergmann Eiðsson:

Tekjublað DV 2018: 1.853.000 kr

Svanhildur Hólm Valsdóttir:

Tekjublað DV 2018: 693.000 kr

Ekki missa af DV.